...असा होता मोदींचा आत्तापर्यंतचा प्रवास

 

· लहानश्या खेड्यात जन्म : गुजरातच्या वाडनगर नावाच्या एका गावात नरेंद्र मोदींचा जन्म झाला. या गावाला ऐतिहासिक पार्श्वभूमी आहे. सातव्या शतकात भारत दौऱ्यावर आलेल्या चिनी इतिहासकार हुआन त्संगनेही वाडनगर आणि त्याच्या पार्श्वभूमीचे कौतुक केले होते.

· रेल्वेत चहाविक्री : नरेंद्र मोदींना सहा भाऊ-बहिणी. भावंडांमध्ये ते तिसरे. घरची परिस्थिती बेताची यामुळे त्यांच्या वडिलांना वाडनगर रेल्वे स्टेशनवर चहासुद्धा विकावा लागला. तेव्हा नरेंद्र मोदीही त्यांना मदत करायचे आणि त्यांनी रेल्वेत चहासुद्धा विकला.

 

· टोपण नाव : साधारणपण जसे सर्वांचे काही ना काही टोपण नाव असते, तसेच नरेंद्र मोदींचेही होते. लहानपणी मोदींना सर्वजण नरिया म्हणून हाक मारायचे. नरेंद्र मोदींच्या आई आजही त्यांना प्रेमाने नरिया म्हणून हाक मारतात. अभ्यासाच्या बाबत नरेंद्र मोदी साधारणच होते. तथापि, त्यांच्या वादविवाद करण्याच्या पद्धतीचे शिक्षकही कौतुक करत.

· अभिनयातही रूची : नरेंद्र मोदींना अभिनयाचीही आवड होती. यासाठी त्यांनी रंगभूमीवरही काम केले. नाटकांमध्ये खूप रूची घेत होते.

 

· देशसेवेसाठी सन्यास : शिक्षणानंतर मोदींच्या मनात संन्यास घेण्याचीही इच्छा झाली. यासाठी त्यांनी घराचा त्याग केला. दरम्यान त्यांनी पश्चिम बंगालच्या रामकृष्ण आश्रमाशिवाय अनेक जागी भ्रमण केले. या काळात त्यांची अध्यात्मात श्रद्धा आणखी वाढली. यानंतर ते राष्ट्रीय स्वयंसेवक संघात सक्रीय झाले.

 

· खट्याळ स्वभाव : लहानपणी नरेंद्र मोदी कुणालाही अडचणीत पाहून लगेच मदतीला धावायचे. एकदा 'मन की बात' कार्यक्रमात मोदींनी खुलासा केला की, कशा प्रकारे ते शहनाई वादकांना चिंचेचे आमिष दाखवून त्यांचे ध्यान भंग करायचे.

· संसाराचाही त्याग : लहानपणी नरेंद्र मोदींचा साखरपुडा शेजारी राहणाऱ्या जशोदाबेनशी करण्यात आला. परंतु मोदींच्या मनात देशसेवेची इच्छा प्रबळ होती. त्यांना स्वत:ला घराच्या जबाबदारी न बांधून घेता आपले देशसेवेचे स्वप्न पूर्ण करायचे होते. जशोदाबेन यांना अभिमान वाटतो की, नरेंद्र मोदींनी देशसेवेसाठी लग्नाचा त्याग केला.

· राजकीय प्रवास : १९७५ साली आणीबाणी घोषित झाल्यानंतर ते लोक संघर्ष समितीचे महासचिव झाले. २००१ ते २०१४ पर्यंत ते गुजरातचे मुख्यमंत्री होते.

 

· युवा वर्गाचे आकर्षण : नरेंद्र मोदी २०१४ नंतर देशातील युवा वर्गाचे खास आकर्षण बनले. २०१४च्या लोकसभा निवडणूकीत त्यांच्या नेतृत्वाखाली भाजपला अभूतपूर्व यश मिळाले. नरेंद्र मोदी लहान मुले आणि विद्यार्थ्यांचे फार आकर्षण आहेत. पुण्यातील ७ वर्षांच्या वैशालीच्या हृदयात छिद्र असल्याने ती उपचार घेत होती. मदतीसाठी तिने पंतप्रधान नरेंद्र मोदींना पत्र लिहिले. त्यानंतर मोदींनी मदत तर केलीच मात्र, तिची भेट घेत तिचा आजारापासून लढण्याची उर्जा दिली. मोदींनी तिचा उपचार पूर्ण मोफत करण्यास सांगितला.