एलपीजी गॅस सिलिंडरची कशी घ्याल काळजी?

 

शक्य झाल्यास सिलिंडरही बाहेर काढा - आग लागल्यानंतर प्रसंगावधान राखून घरातील सर्व सदस्यांना बाहेर काढल्यानंतर गॅसचे सिलिंडरही ताबडतोब घराबाहेर सुरक्षित ठिकाणी म्हणजे जिथपर्यंत आग पोहोचणार नाही, अशा ठिकाणी नेऊन ठेवणे खूप गरजेचे आहे. जेणेकरून आगीमध्ये सिलिंडरचा स्फोट होणार नाही.

स्वयंपाक करताना सुती कपडे वापरा - स्वयंपाक घरात काम करीत असतांना अंगावर नेहमी सुती वस्त्र किंवा अग्नी प्रतिरोधक ऍप्रन वापरावा. टेरिकॉट, नॉयलॉन सारखे वस्त्र लगेच पेट घेतात. गॅस सिलिंडर नेहमी उभे ठेवावे, गॅस संपत आला म्हणजे सिलिंडर आडवे किंवा उलटे करून वेळ भागविण्याचा प्रयत्न करणे धोकेदायक होवू शकते. सिलिंडर व गॅस उपकरणास लहान मुलं हात लावणार नाहीत याची काळजी घ्यावी.