संगीत ते समाधी (भाग-३०)
चित्ताला कल्याणप्रद भव्य-दिव्य भावना देण्याचे कार्य कल्याण थाट करतो. पंडित भातखंडे यांनी त्याचे वर्णन केल्याप्रमाणे तो खरोखरच ’कल्याणौ विमलौ विभाती सकलौ तीव्र स्वर मंडितौ’ असाच स्वरमेल आहे. स्वर्गीय दिव्य-भव्य संगीत कल्याण मेलाचेच. नामसाधर्म्याने जवळ जवळ वाटणारे मारुबिहाग, मार्गविहाग आणि मार्गकल्याण राग पाहा. मारुबिहागातील दोन्ही मध्यमांमुळे त्याला कोणी वेलावलीत न्यायला पाहतात, तर तीव्र मध्यम दाखवून कोणी त्याला कल्याणात घेऊ पाहतात.