कोणत्याही पक्षाला आंधळेपणाने पाठिंबा देऊ नका, 'ट्रेंड'...!; 'सीजेपी' आंदोलनावर मुख्यमंत्र्यांच्या लेकीची इंस्टा स्टोरी; नेमकं काय म्हणाली?

 

मुंबई: (Divija Fadnavis Insta Story) 'नीट' पेपरफुटीप्रकरणी केंद्रीय शिक्षणमंत्र्यांच्या राजीनाम्याची मागणी करत 'कॉकरोच जनता पार्टी'च्या (CJP) संसदेवरील मोर्चानंतर आता या आंदोलनाचे पडसाद सर्वच स्तरांत उमटत आहेत. एकीकडे रस्त्यापासून संसदेपर्यंत विरोधाची धार तीव्र झाली असताना, महाराष्ट्राचे मुख्यमंत्री देवेंद्र फडणवीस यांची कन्या दिविजा फडणवीस हिने सोशल मीडियावरून या आंदोलनावर आणि राजकीय समीकरणांवर अत्यंत परखड मत व्यक्त केले आहे. "केवळ 'ट्रेंड' आहे म्हणून बंड करू नका; शैक्षणिक सुधारणांना पाठिंबा द्या, पण राजकीय पक्षांना आंधळेपणाने समर्थन देणे टाळा," असा महत्त्वपूर्ण सल्ला दिविजा फडणवीस यांनी तरुणांना दिला आहे. (Divija Fadnavis Insta Story)

 

जंतर-मंतर आणि पार्लमेंट स्ट्रीटवर आंदोलक आणि पोलिसांमध्ये झालेल्या चकमकीच्या पार्श्वभूमीवर दिविजाने हिंसाचाराचा निषेध केला आहे. "मला या आंदोलनावर भाष्य करण्यासाठी अनेकदा विचारले गेले. त्यावर मी इतकेच म्हणेन की, लोकशाहीत शांततापूर्ण मार्गाने आंदोलन करणे हा प्रत्येक नागरिकाचा अधिकार आहे. मात्र, आंदोलकांकडून पोलिसांवर होणारी हिंसा आणि पोलिसांकडून आंदोलकांवर होणारा बळप्रयोग, या दोन्ही गोष्टींना लोकशाहीत परवानगी मिळता कामा नये." (Divija Fadnavis Insta Story)

 

विद्यार्थ्यांच्या प्रश्नांचा राजकीय व धार्मिक गैरवापर होऊ नये, असा स्पष्ट इशारा देताना दिविजा म्हणाली. "जोपर्यंत विद्यार्थ्यांचे हित, 'नीट', पेपरफुटी आणि 'एनटीए' (NTA) या मूळ मुद्द्यांवर चर्चा सुरू आहे, तोपर्यंत सर्व काही ठीक आहे. मात्र, ज्या क्षणी ही आंदोलने धर्माच्या दिशेने वळतात किंवा मूळ कक्षेबाहेर जातात, तेव्हा त्यामागचा खरा उद्देश बदलतो. याबद्दल प्रत्येकाने सावध राहिले पाहिजे." (Divija Fadnavis Insta Story)

 

"सोशल मीडियावर चर्चेत येणाऱ्या कोणत्याही गोष्टीचे आंधळेपणाने समर्थन करू नका. केवळ 'ट्रेंड' होत आहे म्हणून बंड करू नका किंवा कोणत्याही राजकीय विचारसरणीच्या प्रभावाखाली येऊन स्वतःचे मत बनवू नका." (Divija Fadnavis Insta Story)

 

"लोकशाहीत विरोधी पक्षाने देशाचे हित डोळ्यांसमोर ठेवून आणि विकासाचे उच्च ध्येय साध्य करण्यासाठी सत्ताधारी पक्षाला अधिक चांगले निर्णय घेण्यास मदत केली पाहिजे. विरोधकांनी सत्ताधाऱ्यांचा शत्रू बनून फक्त त्यांची बदनामी करण्याचे राजकारण करू नये." (Divija Fadnavis Insta Story)