E-Paper Download App

पंजाब विद्यापीठात 'जेन-झीं'चा अभाविपला कौल!

सलग दुसऱ्या वर्षी विद्यार्थी संघ निवडणुकीत दणदणीत विजय

01-Sep-2026

मुंबई (ABVP Punjab University Election 2026) : पंजाब विद्यापीठाच्या विद्यार्थी संघ निवडणुकीत अखिल भारतीय विद्यार्थी परिषद (अभाविप)चे उमेदवार अंकित बिधान यांनी अध्यक्षपदावर दणदणीत विजय मिळवला. त्यांनी ३,१४३ मते मिळवत प्रतिस्पर्ध्यावर ५०६ मतांच्या फरकाने मात केली. सलग दुसऱ्या वर्षी विद्यार्थ्यांनी अभाविपवर विश्वास व्यक्त केल्याबद्दल संघटनेने पंजाब विद्यापीठातील विद्यार्थ्यांचे आभार मानले आहेत.(ABVP Punjab University Election 2026)

अभाविपच्या मते हा केवळ निवडणुकीतील विजय नसून प्रचारादरम्यान पसरवण्यात आलेल्या खोट्या प्रचार, संभ्रम आणि नकारात्मक वातावरणाला विद्यार्थ्यांनी आपल्या अनुभव आणि विवेकबुद्धीच्या बळावर दिलेले उत्तर आहे. गेल्या वर्षी गौरववीर सोहेल यांच्या ऐतिहासिक विजयानंतर अध्यक्षपदावर अभाविपचा हा सलग दुसरा विजय ठरला आहे. विद्यार्थ्यांनी पुन्हा एकदा स्पष्ट केले की, त्यांच्या हितासाठी केलेले काम हे भीती, दबाव, खोटेपणा आणि राजकीय गदारोळापेक्षा अधिक महत्त्वाचे आहे.(ABVP Punjab University Election 2026)

अभाविपचे राष्ट्रीय सचिव डॉ. वीरेंद्र सिंह सोलंकी यांनी निकालावर प्रतिक्रिया देताना म्हटले की, हा जनादेश सर्वप्रथम पंजाब विद्यापीठातील विद्यार्थ्यांनी अभाविपवर दाखवलेल्या विश्वासाची पुनर्प्रतिष्ठा आहे. मागील वर्षभर विद्यार्थी संघाच्या अध्यक्षपदावर असताना आम्ही विद्यार्थ्यांच्या कल्याणाशी संबंधित प्रश्न उचलले, त्यांच्या अडचणींवर उपाय शोधण्यासाठी संघर्ष केला आणि विद्यार्थ्यांचा आवाज प्रशासनापर्यंत पोहोचवला. आज विद्यार्थ्यांनी त्या कामाचे मूल्यमापन मतदानातून केले आहे. निवडणूक प्रचारादरम्यान विविध माध्यमांतून भीती, संभ्रम आणि दिशाभूल यांचा राजकीय साधन म्हणून वापर करण्याचे प्रयत्न झाले. मात्र पंजाब विद्यापीठातील जेन-झी विद्यार्थ्यांनी ते स्वीकारले नाहीत.(ABVP Punjab University Election 2026)

डॉ. सोलंकी पुढे म्हणाले की, हा निकाल केवळ अभाविपच्या बाजूने मिळालेला जनादेश नाही, तर आजची तरुण पिढी राष्ट्रवादी विचारांपासून दूर जात आहे, या समजुतीलाही विद्यार्थ्यांनी मतदानातून नाकारले आहे. पंजाब विद्यापीठातील विद्यार्थ्यांनी स्पष्ट संदेश दिला आहे की जेन-झीला राष्ट्रवादाशी समस्या नाही; त्यांना नकारात्मकतेशी समस्या आहे," असे ते म्हणाले.(ABVP Punjab University Election 2026)

नवनिर्वाचित अध्यक्ष अंकित बिधान यांच्या नेतृत्वाखाली पंजाब विद्यापीठातील प्रत्येक विद्यार्थ्याचा आवाज बुलंद करण्यासाठी अभाविप कटिबद्ध असल्याचे त्यांनी सांगितले. यापुढे संघटनेचा भर वैयक्तिक राजकारण, आरोप-प्रत्यारोप किंवा स्वस्त राजकीय वक्तव्यांवर नसून विद्यार्थ्यांच्या खऱ्या समस्या, अधिक चांगल्या सुविधा, स्वच्छ व सुरक्षित परिसर, पारदर्शक प्रशासन आणि अधिक सक्षम पंजाब विद्यापीठ घडवण्यावर असेल, असे त्यांनी स्पष्ट केले.(ABVP Punjab University Election 2026)

कोण आहेत अंकित बिधान?

अंकित बिधान हे मूळचे हरियाणातील जींद जिल्ह्याचे रहिवासी आहेत. जींद येथे पदवीचे शिक्षण पूर्ण केल्यानंतर त्यांनी पंजाब विद्यापीठाच्या विधी विभागातून कायद्याचे शिक्षण घेतले. सध्या ते पंजाब विद्यापीठाच्या सामाजिक समावेशन अध्ययन केंद्रात पीएच.डी. संशोधक म्हणून शिक्षण घेत आहेत.(ABVP Punjab University Election 2026)

ABVP Punjab University Ankit Bidhan Student Union Election Punjab University Election ABVP Victory Student Politics Gen Z Akhil Bharatiya Vidyarthi Parishad

ओंकार मुळ्ये

https://www.mahamtb.com/authors/Omkar_Mulye.html

'मास मीडिया' या विषयातून पदवीपर्यंतचे शिक्षण पूर्ण.'कम्युनिकेशन ॲण्ड जर्नालिझम' विषयातून पदव्युत्तरपर्यंतचे शिक्षण पूर्ण. सध्या दै.'मुंबई तरुण भारत'मध्ये वेब उपसंपादक म्हणून कार्यरत. लिखाण, संगीत, वाचन, फोटोग्राफी, इ.ची आवड.लिवोग्राफी भाषाशैलीत विशेष प्रावीण्य.बालपणापासून रा.स्व.संघाचा स्वयंसेवक