माजी सैनिक सेवा परिषदेची २७ वी वार्षिक सर्वसाधारण सभा कोल्हापुरात!

                      

 

 

मुंबई (Ex-Servicemen Parishad 27th AGM) : अखिल भारतीय पूर्व सैनिक सेवा परिषदची २७वी वार्षिक सर्वसाधारण सभा दि. २ ते ४ ऑक्टोबर दरम्यान कोल्हापूर येथील श्री क्षेत्र कणेरी मठात आयोजित करण्यात आली आहे. आध्यात्मिक, सामाजिक आणि सेवाकार्याच्या समृद्ध परंपरेसाठी ओळखल्या जाणाऱ्या कणेरी मठाच्या परिसरात होणाऱ्या या राष्ट्रीय अधिवेशनात देशभरातील २८ राज्ये आणि ८ केंद्रशासित प्रदेशांमधून सुमारे ३५० माजी सैनिक प्रतिनिधी सहभागी होणार आहेत. या तीन दिवसीय राष्ट्रीय अधिवेशनात राज्य आणि जिल्हास्तरीय पदाधिकारी, माजी सैनिक, माजी सैनिकांच्या कुटुंबांचे प्रतिनिधी तसेच संस्थेच्या विविध उपक्रमांशी संबंधित कार्यकर्ते सहभागी होतील. महाराष्ट्राच्या विविध भागांतील, विशेषतः कोल्हापूर परिसरातील माजी सैनिकांचाही या बैठकीत सहभाग राहणार आहे. (Ex-Servicemen Parishad 27th AGM)

 

माजी सैनिकांचा अनुभव, शिस्त, नेतृत्वगुण आणि समर्पणभाव यांचा व्यापक समाज आणि राष्ट्रहितासाठी उपयोग करून घेण्याची संकल्पना ही अखिल भारतीय पूर्व सैनिक सेवा परिषदेच्या कार्यामागे आहे. माजी सैनिकांसाठी राष्ट्रसेवा आणि सामाजिक बांधिलकीचे व्यासपीठ उभारण्याची सुरुवात १९९२ मध्ये उत्तर प्रदेशात ‘पूर्व सैनिक सेवा परिषद’ या नावाने झाली. पुढे या संकल्पनेचा देशभर विस्तार झाला आणि नोव्हेंबर १९९५ मध्ये पहिले अखिल भारतीय अधिवेशन झाले. त्यानंतर १४ सप्टेंबर १९९९ रोजी दिल्ली येथे ‘अखिल भारतीय पूर्व सैनिक सेवा परिषद’ या नावाने राष्ट्रीय संघटनेची औपचारिक नोंदणी करण्यात आली. तीन दशकांहून अधिक काळात परिषदेने २८ राज्ये आणि ८ केंद्रशासित प्रदेशांमध्ये संघटनात्मक जाळे उभे केले असून अनेक राज्ये आणि जिल्ह्यांमध्ये तिचे कार्य सुरू आहे. (Ex-Servicemen Parishad 27th AGM)

 

‘सैनिक गणवेशातून निवृत्त होतो; मात्र राष्ट्रसेवेतून कधीही निवृत्त होत नाही,’ हा परिषदेच्या कार्याचा मूलभूत दृष्टिकोन आहे. भारतीय सशस्त्र दलात दीर्घकाळ सेवा केल्यानंतर प्राप्त झालेली शिस्त, नेतृत्वक्षमता, व्यवस्थापनाचा अनुभव, सांघिक भावना आणि राष्ट्रनिष्ठा यांचा समाजाच्या विविध क्षेत्रांत उपयोग करणे, हे परिषदेच्या कार्याचे प्रमुख उद्दिष्ट आहे. (Ex-Servicemen Parishad 27th AGM)

 

२७व्या राष्ट्रीय वार्षिक सर्वसाधारण सभेचे उद्घाटन इन्फंट्री स्कूलचे कमांडंट मेजर जनरल धनंजय जोशी, एव्हीएसएम, व्हीएसएम यांच्या हस्ते होणार आहे. यावेळी परिषदेचे राष्ट्रीय अध्यक्ष लेफ्टनंट जनरल विष्णुकांत चतुर्वेदी, राष्ट्रीय स्वयंसेवक संघाचे अखिल भारतीय सह प्रचार प्रमुख आणि परिषदेचे मार्गदर्शक प्रदीप जोशी, महाराष्ट्र आणि गोव्याचे अध्यक्ष एअर मार्शल प्रदीप बापट यांच्यासह राष्ट्रीय आणि राज्यस्तरीय पदाधिकारी व सैनिक सदस्य उपस्थित राहणार आहेत. (Ex-Servicemen Parishad 27th AGM)

 

कोल्हापुरात होणारी ही २७वी राष्ट्रीय वार्षिक सर्वसाधारण सभा केवळ संघटनात्मक बैठक नसून देशभरातील माजी सैनिकांना एका राष्ट्रीय व्यासपीठावर एकत्र आणणारा महत्त्वाचा उपक्रम ठरणार आहे. मुंबईच्या ‘नमस्ते शौर्य फाउंडेशन’तर्फे १९७१च्या युद्धावरील दुर्मीळ छायाचित्रांचे प्रदर्शन आयोजित करण्यात आले आहे. ३ ऑक्टोबरच्या सायंकाळी पाहुण्यांसाठी विशेष सांस्कृतिक कार्यक्रमाचेही आयोजन करण्यात आले आहे. (Ex-Servicemen Parishad 27th AGM)

 

तीन दिवसीय राष्ट्रीय बैठक ४ ऑक्टोबर २०२६ रोजी संपन्न होणार असून राज्याचे मंत्री शंभूराज देसाई प्रमुख पाहुणे म्हणून उपस्थित राहणार आहेत. यावेळी देशभरातून सहभागी झालेल्या माजी सैनिकांचा सत्कार, राष्ट्रसेवा आणि संघटनात्मक कार्याच्या आगामी दिशेवर विचारमंथन तसेच राष्ट्रीय एकात्मता आणि राष्ट्रसेवेचा संकल्प अधिक दृढ करण्यावर भर दिला जाणार आहे. (Ex-Servicemen Parishad 27th AGM)

 

राष्ट्रीय इतिहास आणि युवकांना जोडणारे उपक्रम

 

‘वीर सैनिक ग्राम गौरव योजना’

 

बैठकीत पुढील विषयांवर सविस्तर चर्चा आणि विचारविनिमय होणार : 

• संघटनात्मक विस्तार आणि बळकटीकरण
• माजी सैनिक आणि त्यांच्या कुटुंबांशी संबंधित प्रश्न
• राज्य आणि जिल्हास्तरावरील कार्याचा आढावा
• आगामी सामाजिक आणि राष्ट्रसेवेच्या उपक्रमांचे नियोजन
• युवक पिढीशी संवाद
• राष्ट्रीय इतिहास आणि सैनिकांच्या योगदानाविषयी जनजागृती
• ग्रामीण आणि दुर्गम भागांतील सेवाकार्य
• आगामी वर्षातील कार्यक्रमांचे नियोजन

महाराष्ट्राची भूमिका