जाणीवपूर्वक दिशाभूल करणाऱ्या विरोधात मोहित कंबोज यांचा कारवाईचा इशारा!

 

मुंबई (Mohit Kamboj Social Media Defamation) : मोहित कंबोज यांनी आपल्याविरोधात सोशल मीडिया तसेच अन्य माध्यमांवर जाणीवपूर्वक आणि द्वेषपूर्ण बदनामीकारक मोहीम राबवली जात असल्याचा आरोप केला आहे. गेल्या काही आठवड्यांपासून आपली सार्वजनिक प्रतिमा आणि प्रतिष्ठा मलिन करण्याच्या उद्देशाने अप्रमाणित, दिशाभूल करणारे आणि खोटे दावे तसेच वृत्त प्रसारित केले जात असल्याचे त्यांनी म्हटले आहे.

 

 

 

या पार्श्वभूमीवर कंबोज यांनी संबंधित व्यक्ती, माध्यमे आणि सोशल मीडिया हँडल्सना अशा प्रकारचे कृत्य तातडीने थांबवण्याचा इशारा दिला आहे. निराधार, दिशाभूल करणारी किंवा अप्रमाणित पोस्ट, बातमी अथवा टिप्पणी प्रसारित केल्यास त्याविरोधात कायदेशीर कारवाई करण्यात येईल, असे त्यांनी स्पष्ट केले. (Mohit Kamboj Social Media Defamation)

 

आपल्याविरोधात सोशल मीडिया किंवा अन्य कोणत्याही माध्यमातून करण्यात येणारी बदनामीकारक विधाने दिवाणी तसेच फौजदारी मानहानीच्या कायद्याच्या कक्षेत येऊ शकतात, असेही कंबोज यांनी म्हटले आहे. त्यामुळे संबंधितांनी अशा प्रकारची माहिती तयार करणे, प्रकाशित करणे किंवा पुढे प्रसारित करणे तातडीने थांबवावे, असे आवाहन करत त्यांनी कायदेशीर कारवाईचा इशारा दिला आहे. (Mohit Kamboj Social Media Defamation)