E-Paper Download App

रस्त्यांच्या दयनीय अवस्थेविरोधात नागरिकाचे अनोखे आंदोलन!

31-Aug-2026

हैदराबाद (Hyderabad Pothole Protest) : हैदराबादमधील खराब रस्ते आणि मोठमोठ्या खड्ड्यांचा मुद्दा पुन्हा एकदा ऐरणीवर आला आहे. शहरातील इम्लिबन–पुतलीबावली रस्त्यावर एका नागरिकाने चक्क रस्त्यावरील खड्ड्यात बसून अनोख्या पद्धतीने आंदोलन केले. रस्त्यांची तातडीने दुरुस्ती करावी, अशी मागणी करत या नागरिकाने प्रशासनाचे लक्ष वेधण्याचा प्रयत्न केला. या आंदोलनाचा व्हिडिओ सोशल मीडियावर व्हायरल झाला आहे.

या घटनेमुळे तेलंगणातील सत्ताधारी रेवंत रेड्डी सरकारच्या शहरी पायाभूत सुविधांबाबतच्या कामकाजावरही प्रश्न उपस्थित होऊ लागले आहेत. नागरिकांना चांगले आणि सुरक्षित रस्ते उपलब्ध करून देणे ही प्रशासनाची मूलभूत जबाबदारी असताना, नागरिकाला आपली समस्या मांडण्यासाठी थेट खड्ड्यात उतरावे लागणे हे व्यवस्थेचे अपयश असल्याची टीका केली जात आहे. (Hyderabad Pothole Protest)

This is how bad Hyderabad’s roads have become!
A citizen was forced to sit inside a huge pothole on the busy Imlibun–Putlibowli Road, a vital route connecting MGBS, Koti & Chaderghat, to protest the long-pending road damage.
Please repair this dangerous road urgently. @GHMCOnline pic.twitter.com/UVYs7AufrV
— Mohammad Anees Qamar (@mdaneesqamar) August 31, 2026

खड्ड्यात उतरून प्रशासनाचे लक्ष वेधले

मिळालेल्या वृत्तांनुसार, फिरोज नावाचा नागरिक दि. ३० ऑगस्टच्या संध्याकाळी इम्लिबन–पुतलीबावली रस्त्यावरील मोठ्या खड्ड्यात जाऊन पडला. रस्त्याची दुरवस्था आणि खड्ड्यांमुळे वाहनचालक तसेच पादचाऱ्यांना होणाऱ्या त्रासाकडे प्रशासनाचे लक्ष वेधण्यासाठी त्याने हे आंदोलन केले.

घटनेची माहिती मिळताच पोलिस घटनास्थळी पोहोचले. वाहतुकीला अडथळा निर्माण होऊ नये म्हणून पोलिसांनी फिरोज यांना रस्त्यावरून बाजूला होण्याची विनंती केली. मात्र, रस्ता दुरुस्त होईपर्यंत आंदोलन करण्याच्या भूमिकेवर ते ठाम राहिले. अखेर पोलिसांनी त्यांना रस्त्याच्या मधून हटवले. (Hyderabad Pothole Protest)

हैदराबादमधील महत्त्वाचा मार्ग

इम्लिबन–पुतलीबावली हा हैदराबादमधील महत्त्वाचा आणि वर्दळीचा मार्ग आहे. हा परिसर MGBS, कोटी आणि चादरघाट या प्रमुख भागांना जोडतो. त्यामुळे या मार्गावरील रस्त्यांची खराब अवस्था नागरिकांसाठी मोठी समस्या ठरत आहे.

पावसामुळे शहरातील काही रस्त्यांची स्थिती आणखी खराब झाल्याचे स्थानिक वृत्तांत नमूद करतात. खड्ड्यांमध्ये पाणी साचल्याने त्यांची खोली लक्षात न येणे आणि त्यामुळे विशेषतः दुचाकीस्वारांना अपघाताचा धोका वाढणे, अशी नागरिकांची तक्रार आहे. (Hyderabad Pothole Protest)

काँग्रेस सरकारच्या कारभारावर विरोधकांकडून निशाणा?

तेलंगणात काँग्रेसचे सरकार सत्तेत असताना शहरातील मूलभूत सुविधांबाबत नागरिकांकडून प्रश्न उपस्थित होणे सरकारसाठी अडचणीचे ठरू शकते. रस्ते, वाहतूक आणि पावसाळ्यातील पाणी साचण्याच्या समस्यांवर कायमस्वरूपी उपाययोजना करण्याची मागणी सातत्याने होत आहे.

दरम्यान, 'बीआरएस'ने ही काँग्रेस सरकारच्या कथित अपयशांविरोधात दि. २ सप्टेंबरपासून राज्यव्यापी आंदोलनाची घोषणा केली आहे. पक्षाने सरकारच्या कामगिरीवर आणि निवडणूक आश्वासनांच्या पूर्ततेवर प्रश्न उपस्थित केले आहेत. त्यामुळे खराब रस्त्यांसारखे स्थानिक प्रश्न आता राज्यातील सत्ताधारी काँग्रेसविरोधातील राजकीय हत्यार बनण्याची शक्यता आहे. (Hyderabad Pothole Protest)

GHMCकडे नागरिकांची मागणी

या घटनेनंतर स्थानिक नागरिकांनी ग्रेटर हैदराबाद म्युनिसिपल कॉर्पोरेशन (GHMC) प्रशासनाकडे रस्त्यांची तातडीने पाहणी करून खड्डे बुजवण्याची मागणी केली आहे. केवळ तात्पुरती डागडुजी न करता खराब झालेल्या रस्त्यांची कायमस्वरूपी दुरुस्ती करावी, अशी नागरिकांची अपेक्षा आहे.

एकीकडे सरकारकडून शहराच्या विकासाचे दावे केले जात असताना दुसरीकडे नागरिकांना खड्ड्यात उतरून आंदोलन करण्याची वेळ येत असेल, तर शहरी पायाभूत सुविधांच्या प्रत्यक्ष स्थितीबाबत सरकारने आत्मपरीक्षण करण्याची गरज आहे, असा सूर या घटनेनंतर उमटत आहे. (Hyderabad Pothole Protest)

हैदराबादमधील खड्डे इमलीबन-पुतलीबोवली रस्ता हैदराबादमधील रस्त्यांची स्थिती तेलंगणा काँग्रेस सरकार GHMC चे रस्ते Hyderabad potholes Imlibun Putlibowli road Hyderabad road condition Telangana Congress government GHMC roads

मुंबई तरुण भारत वेब टीम

https://www.mahamtb.com/authors/Mumbai_Tarun_Bharat_Web_Team.html

Hello, You must be familiar with the Nation First approach daily 'Mumbai Tarun Bharat' as a newspaper committed to fearless and nationalist ideals and constantly doing conscious journalism for it. The journey of four decades has been successful only because of your trust and cooperation. Dear readers, we have been making a successful effort to always be perfect in our commitment to the thoughts of the nation and the national interest...

Changing with time is essential for any organization. Daily 'Mumbai Tarun Bharat' has decided to take this role here too and make 'MahaMTB' available in the media for the new 'smart' generation. Today's youth, readers, and citizens are becoming more and more 'smart' day by day. And in today's 'smart' era, information is available in abundance in the Internet-enabled information explosion. However, there is a need for complementary knowledge to determine a modern role and approach that is compatible with culture, motionlessness and tradition.

That is why mahamtb.com, MahaMTB Mobile App', MahaMTB Youtube Channel, MahaMTB Facebook Page, MahaMTB Twitter, MahaMTB Instagram, MahaMTB Telegram, MahaMTB WhatsApp Group etc. through social media and advanced avatar content. We are coming before you. Role in the new era, 'smart' journalism with a view, 'smart' multimedia for the new era, and journalism for a 'smart' Maharashtra will be the side of the game.

Now get all the updates in one click! mahamtb.com