नाबार्ड आणि नॅबफिडने ग्रामीण पायाभूत सुविधा प्रकल्पांसाठी निधी उपलब्ध करून देण्यासाठी सामंजस्य करारावर (MoU) स्वाक्षरी केली

 

 

मुंबई,(NABARD NaBFID MoU): ग्रामीण भागावर महत्त्वपूर्ण परिणाम करणाऱ्या पायाभूत सुविधा प्रकल्पांच्या वित्तपुरवठ्यासाठी सहकार्य अधिक बळकट करण्याच्या उद्देशाने नॅशनल बँक फॉर ॲग्रिकल्चर अँड रुरल डेव्हलपमेंट (नाबार्ड) आणि नॅशनल बँक फॉर फायनान्सिंग इन्फ्रास्ट्रक्चर अँड डेव्हलपमेंट (नॅबफिड) यांच्यात सामंजस्य करार (MoU) करण्यात आला आहे. (NABARD NaBFID MoU)

 

या भागीदारीमुळे नाबार्डचा ग्रामीण आणि कृषी पायाभूत सुविधांमधील सखोल अनुभव आणि नॅबफिडची पायाभूत सुविधा वित्तपुरवठ्यातील विशेष कौशल्य एकत्र आले आहे. या सामंजस्य कराराद्वारे संयुक्त वित्तपुरवठा, ज्ञानाची देवाणघेवाण आणि नाविन्यपूर्ण वित्तपुरवठा उपाययोजनांच्या विकासासाठी एक चौकट उपलब्ध करून देण्यात आली आहे. ग्रामीण पायाभूत सुविधा आणि मूल्यसाखळी मजबूत करणाऱ्या प्रकल्पांसाठी दीर्घकालीन आणि स्पर्धात्मक दरात वित्तपुरवठ्याची उपलब्धता वाढविण्यावर यामध्ये विशेष भर देण्यात आला आहे.(NABARD NaBFID MoU)

 

या सामंजस्य करारावर नॅबफिडच्या उपव्यवस्थापकीय संचालक आणि मुख्य वित्तीय अधिकारी सुश्री मोनिका कालिया, नाबार्डचे उपव्यवस्थापकीय संचालक श्री. गोवर्धन एस. रावत आणि डॉ. अजय के. सूद यांच्या उपस्थितीत स्वाक्षऱ्या करण्यात आल्या. यावेळी दोन्ही संस्थांमधील इतर वरिष्ठ अधिकारीही उपस्थित होते.(NABARD NaBFID MoU)

 

नाबार्डचे अध्यक्ष डॉ. शाजी कृष्णन व्ही. म्हणाले, “ग्रामीण पायाभूत सुविधांना सामाजिक तसेच व्यावसायिक असे दोन्ही आयाम आहेत. आर्थिकदृष्ट्या शाश्वत आणि बाजारपेठेवर आधारित संरचनांना वित्तपुरवठा करणे ही आमची भूमिका राहिली आहे. या भागीदारीमुळे मूल्यसाखळी वित्तपुरवठा, दोन्ही संस्थांच्या प्रशिक्षण संस्थांच्या माध्यमातून क्षमता बांधणी, तसेच आमच्या व्यवसायाच्या देयता आणि मालमत्ता या दोन्ही बाजूंवर एकत्रितपणे काम करण्याची संधी मिळणार आहे.(NABARD NaBFID MoU)

 

मला विश्वास आहे की, हे सहकार्य ग्रामीण आणि शहरी भागांमधील दरी कमी करण्यास तसेच ग्रामीण समृद्धीला चालना देण्यास मदत करेल. ग्रामीण समृद्धी ही देशाची एक महत्त्वाची राष्ट्रीय प्राथमिकता आहे. हा सामंजस्य करार या दिशेने एक चांगली सुरुवात आहे आणि या व्यापक उद्दिष्टाच्या पूर्ततेसाठी आम्ही एकत्रितपणे काम करण्यास उत्सुक आहोत.”(NABARD NaBFID MoU)

 

या भागीदारीअंतर्गत नाबार्ड आणि नॅबफिड प्रकल्पाच्या संपूर्ण जीवनचक्रात वित्तपुरवठ्याच्या व्यवस्था आणि पायाभूत सुविधा सल्लागार सेवांचा शोध घेणार आहेत. यामध्ये प्रकल्पांची ओळख, मूल्यांकन आणि योग्य तपासणी (Due Diligence), कर्ज संरचना आणि किंमत निर्धारण (Credit Structuring and Pricing), तसेच संयुक्त देखरेख (Joint Monitoring) यांचा समावेश असेल.(NABARD NaBFID MoU)

 

दोन्ही संस्था प्रकल्प संरचना (Project Structuring), वित्तीय मॉडेलिंग (Financial Modelling) आणि कर्ज सिंडिकेशन (Debt Syndication) यांसह सल्लागार सेवांमध्येही परस्पर सहकार्य करतील.(NABARD NaBFID MoU)

 

तसेच, नाबार्ड आणि नॅबफिड यांच्या प्रशिक्षण संस्थांच्या माध्यमातून संयुक्त क्षमता-वृद्धी उपक्रम राबविण्यात येतील. या उपक्रमांमुळे ज्ञानाची देवाणघेवाण सुलभ होईल आणि पायाभूत सुविधा वित्तपुरवठ्याच्या क्षेत्रातील क्षमता अधिक मजबूत करण्यात मदत मिळेल.(NABARD NaBFID MoU)

 

या भागीदारीचा उद्देश ग्रामीण पायाभूत सुविधा आणि संबंधित मूल्यसाखळ्यांसाठी दीर्घकालीन वित्तपुरवठ्याची उपलब्धता वाढविणे हा आहे. यामुळे व्यावसायिकदृष्ट्या व्यवहार्य प्रकल्पांना पाठबळ मिळेल, संपर्क व्यवस्था आणि बाजारपेठेपर्यंत पोहोच सुधारेल तसेच ग्रामीण भागातील उत्पन्न वाढण्यास हातभार लागेल.