शेतकरी कर्जमुक्ती योजनेचा दुसरा हप्ता वाटप; मुख्यमंत्र्यांच्या हस्ते ६ लाख ३६ हजार पात्र शेतकऱ्यांना ५ हजार कोटी वितरीत

मुंबई : (Farmer Loan Waiver Scheme) पुण्यश्लोक अहिल्यादेवी होळकर शेतकरी कर्जमुक्ती योजनेच्या दुसऱ्या टप्प्यातील ६ लाख ३६ हजार ३६ पात्र शेतकऱ्यांना ५ हजार ८६ कोटींच्या कर्जमुक्तीचा लाभ सोमवारी, मुख्यमंत्री देवेंद्र फडणवीस यांच्या हस्ते थेट ऑनलाइन पद्धतीने वितरित करण्यात आला.

 

यावेळी मुख्यमंत्री देवेंद्र फडणवीस म्हणाले की, "या योजनेच्या अंमलबजावणीअंतर्गत आतापर्यंत १२ लाख ५८ हजार २४३ शेतकऱ्यांना एकूण १० हजार ११५ कोटींच्या कर्जमुक्तीचा लाभ देण्यात आला आहे. पात्र शेतकऱ्यांना लाभ वितरणाची प्रक्रिया सुरू असून, लाभार्थींची संख्या सातत्याने अद्ययावत होत आहे. आतापर्यंत १३.७० लाख कर्जखात्यांचे आधार प्रमाणीकरण पूर्ण झाले आहे.(Farmer Loan Waiver Scheme)

 

सह्याद्री अतिथीगृह येथे मुख्यमंत्री देवेंद्र फडणवीस यांच्या हस्ते योजनेच्या दुसऱ्या टप्प्यातील लाभ वितरण ऑनलाइन पद्धतीने करण्यात आले. यावेळी उपमुख्यमंत्री सुनेत्रा पवार, सहकार मंत्री बाबासाहेब पाटील, मंत्रिमंडळातील सदस्य, मुख्य सचिव राजेश अग्रवाल, मुख्यमंत्री यांचे अपर मुख्य सचिव लोकेश चंद्रा, मुख्यमंत्री यांचे प्रधान सचिव डॉ. श्रीकर परदेशी आणि सहकार विभागाचे प्रधान सचिव प्रवीण दराडे उपस्थित होते.(Farmer Loan Waiver Scheme)

 

 

अमरावती      १ लाख ४५ हजार ८०८ १,२०८ कोटी

नाशिक          ८४ हजार ८१३ ७५६ कोटी

छत्रपती          ३ लाख २ हजार २७३ २,२८४ कोटी

संभाजीनगर

पुणे                ४९ हजार २२४ ४१७ कोटी

नागपूर           ४४ हजार ८६४ ३६६ कोटी

कोकण          ९ हजार ५४ ५४ कोटी