महिला आरक्षणावरून फडणवीसांचा चिदंबरम यांच्यावर घणाघाती पलटवार

 

 

मुंबई, (Devendra Fadnavis Women’s Reservation) : महिला आरक्षणाच्या मुद्द्यावरून महाराष्ट्राचे मुख्यमंत्री देवेंद्र फडणवीस यांनी काँग्रेसचे ज्येष्ठ नेते पी. चिदंबरम यांना घणाघाती प्रत्युत्तर दिले आहे. “प्रिय पी. चिदंबरमजी, मलाही निवडक स्मरणशक्तीचा कलाविष्कार आत्मसात करायचा आहे,” अशा बोचऱ्या शब्दांत फडणवीस यांनी चिदंबरम यांच्यावर निशाणा साधला.(Devendra Fadnavis Women’s Reservation)

 

फडणवीस यांनी म्हटले आहे की, २०२३ मधील १०६वी घटनादुरुस्ती म्हणजेच ‘नारी शक्ती वंदन अधिनियम’ आपण वाचला आणि त्याला मतदानही केले आहे. या कायद्यात महिला आरक्षणाच्या अंमलबजावणीसाठी स्पष्ट पूर्वअट नमूद करण्यात आली आहे. महिलांसाठी राखीव जागांची तरतूद मतदारसंघ पुनर्रचनेची प्रक्रिया पूर्ण झाल्यानंतरच लागू होईल आणि ही पुनर्रचना कायदा लागू झाल्यानंतर घेतल्या जाणाऱ्या पहिल्या जनगणनेच्या आधारे केली जाईल, अशी तरतूद असल्याचे फडणवीस यांनी स्पष्ट केले.(Devendra Fadnavis Women’s Reservation)

 

“कोविडमुळे जनगणना लांबली, हे आपण सर्व जाणतो. कायदा लागू झाल्यानंतरची जनगणना आणि त्यानंतरची मतदारसंघ पुनर्रचना पूर्ण होईपर्यंत प्रतीक्षा केल्यास २०२९च्या लोकसभा निवडणुकीपूर्वी महिला आरक्षण लागू होऊ शकणार नाही,” असे फडणवीस यांनी म्हटले आहे.(Devendra Fadnavis Women’s Reservation)

 

 

यामुळे २०२९च्या लोकसभा निवडणुकीतच महिला आरक्षणाची अंमलबजावणी करण्यासाठी केंद्र सरकारने २०२६मध्ये २०११च्या आधीच प्रकाशित झालेल्या जनगणना आकडेवारीच्या आधारे मतदारसंघ पुनर्रचना करण्याचा मार्ग मोकळा करणे, लोकसभेची सदस्यसंख्या वाढविणे आणि महिला आरक्षण प्रत्यक्षात आणण्यासाठी आवश्यक पावले उचलण्याच्या दिशेने विधेयके आणली, असा दावा फडणवीस यांनी केला.(Devendra Fadnavis Women’s Reservation)

 

मात्र, या प्रयत्नांना राहुल गांधी आणि काँग्रेसने विरोध केल्याचा आरोप करत फडणवीस म्हणाले, “तुमचे नेते राहुल गांधी आणि काँग्रेसने या प्रयत्नाला विरोध केला आणि संसदेत त्याचा पराभव सुनिश्चित केला. त्यामुळे २०२९पर्यंत महिला आरक्षण लागू करण्याचा मार्गच रोखला गेला.”(Devendra Fadnavis Women’s Reservation)