"राज्याला वेठीस धरण्याची जरांगेंची भाषा चुकीची, ही सर्वोच्च न्यायालयातील लढाई " - आमदार परिणय फुके

 

नागपूर (Parinay Phuke on Manoj Jarange) : कॉकरोच जनता पार्टीचे दिल्लीतील आंदोलन पाहून मनोज जरांगे यांना हुरूप आलेला आहे, असे मला वाटते. या प्रकारची मागणी आणि कुठेतरी सरकारला आणि राज्याला वेठीस धरण्याची जरांगे यांची भाषा ही चुकीची आहे. आरक्षण संविधानाच्या चौकटीतच मिळते. अशा प्रकारे जोर जबरदस्ती करून आणि सरकार पलटून देण्याची भाषा तुम्ही अराजकता पसरवणार आहात का? असा सवाल आ. परिणय फुके यांनी केला आहे. (Parinay Phuke on Manoj Jarange)

 

माध्यमांशी बोलताना आ. परिणय फुके म्हणाले की, “मनोज जरांगे यांनी अशा प्रकारची भाषा करू नये. जरांगे पाटील यांचे कथित सल्लागार त्यांना चुकीचे मार्गदर्शन करत असल्याचे मला वाटते. त्यांनी संविधान आणि आरक्षणाच्या संदर्भातील अभ्यास करावा. जात वैधता प्रमाणपत्र किंवा जात प्रमाणपत्र हे सर्वोच्च न्यायालयाने त्या त्या वेळी दिलेल्या निर्देशानुसारच दिले जातात. ही रस्त्यावरची लढाई नसून सर्वोच्च न्यायालयातील लढाई आहे. त्यामुळे त्यांनी चांगले वकील नेमावा आणि चांगला युक्तीवाद करून आपल्या समाजाला न्याय मिळवून द्यावा. जरांगे यांचे अनेक सल्लागार आहेत. त्यामुळे ते वेगवेगळ्या वेळी वेगवेगळी भूमिका घेतात.” (Parinay Phuke on Manoj Jarange)