'रामायण'च्या भव्य ट्रेलरने चित्रपटसृष्टीत उत्सुकता वाढली: भूमी पेडणेकर, जॅकी भगनानी आणि झोया अख्तरसह अनेक कलाकारांकडून कौतुकाचा वर्षाव!

मुंबई:  (Ramayana Part 1 Trailer )दिग्दर्शक नितेश तिवारी यांच्या बहुप्रतिक्षित आणि बहुचर्चित 'रामायण: पार्ट १' या महासिनेमाचा ट्रेलर आज ३० जुलै रोजी पहाटे ब्रह्ममुहूर्तावर (पहाटे ४:१५ वाजता) जगभरात प्रदर्शित करण्यात आला. ट्रेलर रिलीज होताच सोशल मीडियावर तुफान प्रतिसाद मिळत असून, सर्वसामान्य प्रेक्षकांपासून ते बॉलिवूडमधील दिग्गज कलाकारांपर्यंत सर्वजण या व्हिज्युअल वंडरच्या प्रेमात पडले आहेत.

 

प्रभू श्रीरामाच्या भूमिकेत रणबीर कपूर, माता सीतेच्या रुपात साई पल्लवी आणि लंकेश रावणाच्या रुद्रावतारात साऊथ सुपरस्टार यश यांच्या मुख्य भूमिका असलेल्या या चित्रपटाने पहिल्याच झलकित प्रेक्षकांचे डोळे दीपवले आहेत.  (Ramayana Part 1 Trailer )

सुमारे ४ मिनिटांच्या या भव्य ट्रेलरची सुरुवात साऊथ स्टार यशच्या रावणाने होते. "तीन्ही लोकांवर एकच राज असेल रावण राज!" या त्याच्या डरकाळीने लंकाधिपतीच्या भव्यता आणि ताकदीची प्रचिती येते.यानंतर अधर्माचा नाश करण्यासाठी प्रभू श्रीरामांच्या जन्माची आणि अवताराची कथा उलगडते. जुन्या 'रामायण' मालिकेतील लोकप्रिय अभिनेते अरुण गोविल यामध्ये राजा दशरथाच्या भूमिकेत दिसत आहेत.चित्रपटाच्या ट्रेलरमध्ये प्रभू श्रीराम आणि सीतेचा विवाह, १४ वर्षांचा वनवास आणि सीतेचे हरण यांसारखे महत्त्वाचे प्रसंग अत्यंत प्रभावी व्हिज्युअल इफेक्ट्ससह दाखवण्यात आले आहेत. ट्रेलरच्या शेवटी रणबीर कपूरचा "रावण तिन्ही लोकांचा राजा असला तरी त्याला त्याचा मृत्यू तिन्ही लोकांसमोरच स्वीकारावा लागेल" हा संवाद प्रेक्षकांच्या अंगावर काटा आणणारा आहे.  (Ramayana Part 1 Trailer )