कॉक्रोज टीपण्णी करणाऱ्या सरन्यायाधीशांपुढेच दिल्ली पोलीसांच्या लाठीहल्ल्याची याचिका! न्यायालयात नेमकं काय घडलं?

ज्या सरन्यायाधीशांच्या टीपण्णीनंतर अभिजीत दिपकेंच्या कॉक्रोज जनता पार्टीचा (सीजेपी) उगम झाला, त्या सरन्यायाधीश सुर्यकांत यांनी बऱ्याच दिवसांनी या आंदोलनावर आपली भूमिका पुन्हा मांडली आहे. सर्वोच्च न्यायालयात दिल्ली आंदोलानात झालेल्या लाठीचाराबद्दल याचिका दाखल करण्यात आली आहे. मात्र, ही सुनावणी तातडीने घ्यावी, अशी मागणी आंदोलक याचिकाकर्त्यांनी केली आहे. याला सरन्यायाधीशांनी उत्तर दिले आहे. ही याचिका बुधवार, दि. २२ जुलै रोजी त्रिसदस्यीय खंडपीठापुढे ठेवण्यात आली. यावेळी सरन्यायाधीशांनी टीपण्णी केली आहे.

 

ते म्हणाले, “आमच्याकडे व्हिडिओ पाहण्यासाठी वेळ नाही. आम्हाला ते व्हिडिओ पाहण्यातही कुठला रस नाही.” जेव्हा विद्यार्थ्यांच्या वकिलांनी मारहाणीचा मुद्दा काढला तेव्हा आमचा वेळ वाया घालवू नका”, असेही ते म्हणाले. १५ मे रोजी एका सुनावणी दरम्यान सरन्यायधीशांनी एका खटल्याच्या सुनावणीवेळी एक वक्तव्य केले होते. ज्यात त्यांनी “देशातील काही बेरोजगार युवक हे झुरळांसारखे आहेत. ते व्यवस्थेवर माध्यमे, सोशल मीडिया आणि आरटीआय कार्यकर्ते बनून हल्ले करत असतात.”, असे वक्तव्य केले होते. त्यांच्या या वक्तव्याचा आधार घेत अभिजीत दिपकेने कॉक्रोज जनता पार्टी नावाचे सोशल मीडिया अकाऊंट तयार केले होते.

 

२० जुलै रोजी संसदेवर सीजेपीचा मोर्चा निघाला होता. ज्यात हजारो प्रदर्शनकारी संसदेकडे निघाले होते. त्यांना रोखण्यासाठी पोलीसांनी लाठीचार केला. ज्यात शंभरहून पोलीस अधिकारी आणि विद्यार्थी जखमी झाले.

 

 

याचिकाकर्त्यांचे वकील – विद्यार्थ्यांच्या बाजूने महत्वाचे मुद्दे उपस्थित केले जात आहेत. नॅशनल टेस्टींग एजन्सीमध्ये सुधारणा घडावी या मुद्द्यासाठी प्रयत्न केले जात आहेत.

 

सरन्यायाधीश सुर्यकांत यांनी त्यांना थांबवत “धन्यवाद”, म्हटले.

 

याचिकाकर्त्यांच्या वकिलांनी तातडीने सुनावणीची मागणी केली. विद्यार्थी अद्यापही जखमी अवस्थेत आहेत. उपचार घेत आहेत. या प्रकरणाची सुनावणी दि. २३ जुलै रोजी करावी, अशी मागणी केली. 

 

सरन्यायाधीश म्हणाले, आम्हाला कुठेलही व्हिडिओ पाहण्यास अडचण नाही. आमच्याकडे सध्या वेळ नाही. मंगळवार, दि. २१ जुलै रोजी असेच एक प्रकरण दिल्ली उच्च न्यायालयात पोहोचले होते. त्यावेळीही तातडीने सुनावणी घेण्यास न्यायालयाने नकार दिला.