विद्या भारतीच्या सेवा शिक्षण विभागातर्फे 'माता रेवतीबाई संस्कार केंद्र'चे उद्घाटन

मुंबई [Mata Revatibai Sanskar Kendra]: राष्ट्रीय स्वयंसेवक संघाच्या शताब्दी वर्षानिमित्त विद्या भारती दिल्ली प्रांताच्या सेवा शिक्षण विभागातर्फे १४ जुलै रोजी 'माता रेवतीबाई संस्कार केंद्र'चे उद्घाटन करण्यात आले. सरस्वती बाल मंदिर, राजौरी गार्डन यांनी नरेंद्रनाथ मेमोरियल ट्रस्टच्या चौपाल, टीसी कॅम्पजवळ, श्याम नगर, दिल्ली येथे अत्यंत उत्साहपूर्ण आणि प्रेरणादायी वातावरणात या संस्कार केंद्राची स्थापना केली. राष्ट्रीय स्वयंसेवक संघाचे संस्थापक डॉ. केशव बळीराम हेडगेवार यांच्या पूज्य माता रेवतीबाई यांच्या स्मृतिप्रीत्यर्थ या संस्कार केंद्राला 'माता रेवतीबाई संस्कार केंद्र' असे नाव देण्यात आले आहे.[Mata Revatibai Sanskar Kendra]

 

कार्यक्रमाची सुरुवात राष्ट्रीय स्वयंसेवक संघाचे दिल्ली प्रांत कार्यवाह अनिल गुप्ता यांच्या हस्ते दीपप्रज्वलन व सरस्वती वंदनेने झाली. या प्रसंगी दिल्ली प्रांत कुटुंब प्रबोधन गतिविधीचे संयोजक विनय गुप्ता आणि नरेंद्रनाथ मेमोरियल ट्रस्टचे अध्यक्ष पुरुषोत्तमजी हे प्रमुख अतिथी म्हणून उपस्थित होते.[Mata Revatibai Sanskar Kendra]

 

उपस्थितांना संबोधित करताना अनिल गुप्ता म्हणाले की, संस्कार केंद्रे ही केवळ शिक्षणाची केंद्रे नसून भारतीय संस्कृती, नैतिक मूल्ये, राष्ट्रभक्ती आणि सामाजिक समरसतेचे संस्कार घडविणारी प्रेरणास्थळे आहेत. त्यांनी 'ॐ'च्या आध्यात्मिक आणि सांस्कृतिक महत्त्वावर प्रकाश टाकत सांगितले की, उत्तम संस्कारांनी घडलेली मुले ही सक्षम समाज आणि समृद्ध राष्ट्राची भक्कम पायाभरणी असतात. तसेच, आपण विद्या भारतीचे माजी विद्यार्थी असल्याचे सांगत त्यांनी आपल्या विद्यार्थी जीवनातील प्रेरणादायी आठवणीही उपस्थितांसोबत शेअर केल्या.[Mata Revatibai Sanskar Kendra]

 

 विद्या भारती दिल्ली प्रांताचे प्रांत संयोजक नरेंद्र दत्त यांनी सांगितले की, सरस्वती बाल मंदिर, राजौरी गार्डन यांच्यातर्फे सुरू करण्यात आलेले हे सहावे संस्कार केंद्र असून, पश्चिम विभागातील २९ वे आणि विद्या भारती दिल्ली प्रांताचे १२२ वे संस्कार केंद्र आहे. या केंद्रांच्या माध्यमातून विद्यार्थ्यांमध्ये भारतीय संस्कृतीची मूल्ये, राष्ट्रभक्ती, सामाजिक समरसता आणि चारित्र्यनिर्मितीचे संस्कार रुजविण्याचा उद्देश असल्याचे त्यांनी स्पष्ट केले.[Mata Revatibai Sanskar Kendra]

 

यावेळी बाल पुस्तकालय आणि स्वाध्याय योजना यांचेही उद्घाटन करण्यात आले. तसेच विद्यार्थ्यांना आकर्षक भेटवस्तूंचे वितरण करण्यात आले. संस्कार केंद्रातील विद्यार्थ्यांनी देशभक्तीपर गीते, संस्कार गीत आणि काव्यसादरीकरण करून उपस्थितांची मने जिंकली. त्यांच्या आत्मविश्वासपूर्ण, शिस्तबद्ध आणि संस्कारमूल्यांनी परिपूर्ण सादरीकरणाला उपस्थितांकडून उत्स्फूर्त दाद मिळाली.[Mata Revatibai Sanskar Kendra]

 

या कार्यक्रमाला क्षेत्रीय सेवा प्रमुख व विभाग अध्यक्षा गीता आहुजा, प्रांत सेवा शिक्षण प्रमुख विनोद शर्मा, प्रांत प्रचार प्रमुख डॉ. शैलेश भारद्वाज यांच्यासह अनेक मान्यवर नागरिक उपस्थित होते. कार्यक्रमाचे सूत्रसंचालन दिल्ली प्रांत सेवा शिक्षण प्रमुख ओमशरण श्रीवास्तव यांनी केले. राष्ट्रगीताने कार्यक्रमाची सांगता झाली.[Mata Revatibai Sanskar Kendra]