छत्रपती संभाजीनगर पालिकेच्या परिवहन सेवेत ३५ नवीन ओलेक्ट्रा ई-बस

 

 

छत्रपती संभाजीनगर: (Chhatrapati Sambhajinagar Electric Buses)छत्रपती संभाजीनगरच्या सार्वजनिक वाहतूक व्यवस्थेत आता ३५ नवीन वातानुकूलित ओलेक्ट्रा इलेक्ट्रिक बस दिवाळीच्या दरम्यान दाखल झाल्या आहेत. या बसचे उद्घाटन मुख्यमंत्री देवेंद्र फडणवीस यांच्या हस्ते करण्यात आले. या नव्या बसांमुळे शहरातील प्रवाशांना अधिक सुरक्षित, आरामदायी आणि आधुनिक प्रवासाचा पर्याय उपलब्ध होणार आहे.

 

ओलेक्ट्राच्या या ई-बसमध्ये वातानुकूलन व्यवस्था, सीसीटीव्ही कॅमेरे, डिजिटल डेस्टिनेशन बोर्ड, प्रवासी सूचना प्रणाली, वाहन ट्रॅकिंग यंत्रणा तसेच यूएसबी चार्जिंग सुविधा देण्यात आली आहे. त्यामुळे दैनंदिन प्रवास अधिक सोयीस्कर आणि सुरक्षित होणार आहे.(Chhatrapati Sambhajinagar Electric Buses)

 

बसमध्ये एबीएस ब्रेकिंग सिस्टम, एअर सस्पेन्शन, रिजनरेटिव्ह ब्रेकिंग आणि डिस्क ब्रेक्ससारखी आधुनिक सुरक्षा वैशिष्ट्ये असून प्रवाशांना अधिक आरामदायी प्रवासाचा अनुभव मिळणार आहे.या इलेक्ट्रिक बसमुळे शहरातील वायू प्रदूषण आणि ध्वनी प्रदूषण कमी होण्यास मदत होणार आहे. शून्य उत्सर्जन तंत्रज्ञानामुळे पर्यावरणपूरक सार्वजनिक वाहतुकीला चालना मिळणार असून नागरिकांना स्वच्छ आणि हरित प्रवासाचा पर्याय उपलब्ध होईल.छत्रपती संभाजीनगर महानगरपालिका आणि ओलेक्ट्रा ग्रीनटेक यांच्या या उपक्रमामुळे शहराच्या शाश्वत आणि आधुनिक वाहतूक व्यवस्थेकडे महत्त्वाचे पाऊल टाकले गेले आहे(Chhatrapati Sambhajinagar Electric Buses)