E-Paper Download App

एचडीएफसी म्युच्युअल फंडाचा SIF क्षेत्रात प्रवेश; ‘H-SIF हायब्रिड लॉन्ग-शॉर्ट फंड’ची घोषणा!

गुंतवणूकदारांसाठी नवी रणनीती; १३ ते २७ नोव्हेंबरदरम्यान न्यू फंड ऑफर

14-Nov-2026

मुंबई (HDFC H-SIF Hybrid Long-Short Fund): गुंतवणूकदारांना बदलत्या बाजार परिस्थितीत गुंतवणुकीच्या नव्या संधी उपलब्ध करून देण्यासाठी एचडीएफसी म्युच्युअल फंडाने स्पेशलाइज्ड इन्व्हेस्टमेंट फंड (SIF) क्षेत्रात प्रवेश केला आहे. या अंतर्गत कंपनीने ‘एच-एसआयएफ हायब्रिड लॉन्ग-शॉर्ट फंड’ या पहिल्या गुंतवणूक रणनीतीची घोषणा केली आहे. या फंडाची न्यू फंड ऑफर (NFO) १३ नोव्हेंबरपासून सुरू झाली असून, २७ नोव्हेंबर २०२६ पर्यंत गुंतवणूक करता येणार आहे.

हा फंड इक्विटी आणि डेट सिक्युरिटीजमध्ये गुंतवणूक करणारा इंटरव्हल इन्व्हेस्टमेंट फंड असून, डेरिव्हेटिव्ह्जच्या माध्यमातून मर्यादित शॉर्ट पोझिशन्स घेण्याचीही तरतूद आहे. बाजारातील चढ-उतारांचा विचार करून गुंतवणूकदारांना तुलनेने स्थिर परतावा मिळवून देण्याचा या रणनीतीचा प्रयत्न आहे.

एचडीएफसी म्युच्युअल फंडाचे व्यवस्थापकीय संचालक आणि मुख्य कार्यकारी अधिकारी नवनीत मुनोत म्हणाले की, गुंतवणूकदारांच्या बदलत्या गरजा लक्षात घेऊन अधिक प्रगत आणि नियमनबद्ध गुंतवणूक पर्याय उपलब्ध करून देण्याच्या उद्देशाने H-SIF प्लॅटफॉर्म सुरू करण्यात आला आहे. इक्विटी, डेरिव्हेटिव्ह्ज आणि फिक्स्ड इन्कम क्षेत्रातील अनुभवी टीम तसेच जोखीम व्यवस्थापनावर भर ही या फंडाची प्रमुख वैशिष्ट्ये आहेत. (HDFC H-SIF Hybrid Long-Short Fund)

‘अर्बिट्राज प्लस’ रणनीतीवर आधारित फंड

H-SIF Hybrid Long-Short Fund हा ‘Arbitrage+’ रणनीतीवर आधारित आहे. या फंडाच्या मुख्य गुंतवणुकीत सुरक्षिततेचा उच्च स्तर असलेल्या डेट सिक्युरिटीज, अर्बिट्राज आणि REITs/InvITs यांचा समावेश असेल. याशिवाय डेरिव्हेटिव्ह्जच्या माध्यमातून हेजिंग, ऑप्शन प्रीमियम मिळवणे आणि निवडक शॉर्ट पोझिशन्स घेण्यावर भर दिला जाणार आहे.

फंडाच्या निव्वळ मालमत्तेच्या २५ टक्क्यांपर्यंत मर्यादित शॉर्ट पोझिशन्स घेता येणार आहेत. IPO, बायबॅक, ओपन ऑफर्स आणि विलीनीकरणासारख्या कॉर्पोरेट घटनांमधील संधींचाही लाभ घेण्याचा प्रयत्न केला जाईल.

या रणनीतीत व्याज उत्पन्न, अर्बिट्राज स्प्रेड्स, ऑप्शन प्रीमियम आणि विशेष गुंतवणूक संधींमधून परतावा मिळवण्यावर भर असेल. सपाट, किंचित वाढणाऱ्या तसेच अस्थिर बाजार परिस्थितीत ही रणनीती उपयुक्त ठरू शकते. गुंतवणुकीचा प्राधान्य कालावधी १८ महिन्यांपेक्षा अधिक ठेवण्यात आला आहे. (HDFC H-SIF Hybrid Long-Short Fund)

किमान १० लाख रुपयांची गुंतवणूक

या SIF रणनीतीमध्ये PAN स्तरावर सर्व SIF रणनीतींसाठी एकत्रित किमान गुंतवणूक १० लाख रुपये आहे. मान्यताप्राप्त (Accredited) गुंतवणूकदारांना लागू अटींच्या अधीन राहून किमान १० हजार रुपयांपासून गुंतवणूक करता येणार आहे.

या फंडात दररोज गुंतवणूक करता येणार असून, सोमवार आणि बुधवार या आठवड्यातील दोन दिवशी रिडेम्प्शनची सुविधा उपलब्ध असेल. युनिट्सच्या वाटपानंतर ९० दिवसांच्या आत रिडेम्प्शन किंवा स्विच-आऊट केल्यास ०.५ टक्के एक्झिट लोड आकारला जाईल. ९० दिवसांनंतर एक्झिट लोड लागू होणार नाही. (HDFC H-SIF Hybrid Long-Short Fund)

या फंडाचे व्यवस्थापन पॉल एस. परंप्रीत आणि इहाब दलवाई (इक्विटी), अनिल बांबोली (डेट) तसेच गोपाल अग्रवाल (परदेशी गुंतवणूक) हे अनुभवी फंड व्यवस्थापक करणार आहेत.

AMFIच्या आकडेवारीनुसार, SIF श्रेणीतील मालमत्ता ऑक्टोबर २०२५ मधील सुमारे २,०१० कोटी रुपयांवरून सप्टेंबर २०२६ मध्ये ३८,२८७ कोटी रुपयांपर्यंत वाढली आहे. या श्रेणीत हायब्रिड लॉन्ग-शॉर्ट रणनीतींना सर्वाधिक आकर्षण मिळाले आहे.

महत्त्वाची सूचना : SIF गुंतवणुकीमध्ये भांडवली नुकसान, तरलतेची जोखीम आणि बाजारातील अस्थिरतेची तुलनेने अधिक जोखीम असते. गुंतवणूक करण्यापूर्वी संबंधित दस्तऐवजांचा अभ्यास करावा आणि आर्थिक सल्लागाराचा सल्ला घ्यावा. (HDFC H-SIF Hybrid Long-Short Fund)

अधिक माहितीसाठी : https://hsif.hdfcfund.com/

HDFC Mutual Fund HDFC H-SIF H-SIF Hybrid Long-Short Fund SIF Specialized Investment Fund SIF NFO 2026 Hybrid Long-Short Strategy

मुंबई तरुण भारत वेब टीम

https://www.mahamtb.com/authors/Mumbai_Tarun_Bharat_Web_Team.html

Hello, You must be familiar with the Nation First approach daily 'Mumbai Tarun Bharat' as a newspaper committed to fearless and nationalist ideals and constantly doing conscious journalism for it. The journey of four decades has been successful only because of your trust and cooperation. Dear readers, we have been making a successful effort to always be perfect in our commitment to the thoughts of the nation and the national interest...

Changing with time is essential for any organization. Daily 'Mumbai Tarun Bharat' has decided to take this role here too and make 'MahaMTB' available in the media for the new 'smart' generation. Today's youth, readers, and citizens are becoming more and more 'smart' day by day. And in today's 'smart' era, information is available in abundance in the Internet-enabled information explosion. However, there is a need for complementary knowledge to determine a modern role and approach that is compatible with culture, motionlessness and tradition.

That is why mahamtb.com, MahaMTB Mobile App', MahaMTB Youtube Channel, MahaMTB Facebook Page, MahaMTB Twitter, MahaMTB Instagram, MahaMTB Telegram, MahaMTB WhatsApp Group etc. through social media and advanced avatar content. We are coming before you. Role in the new era, 'smart' journalism with a view, 'smart' multimedia for the new era, and journalism for a 'smart' Maharashtra will be the side of the game.

Now get all the updates in one click! mahamtb.com