माजी केंद्रीय राज्यमंत्री कपिल पाटील यांच्याकडून; शहापूर तालुक्यातील दुष्काळाची पाहणी

कल्याण, :(Kapil Patil Drought Demand)भाजपाचे माजी केंद्रीय राज्यमंत्री कपिल पाटील यांनी शहापूर तालुक्यातील काही गावांमध्ये थेट शेतात जाऊन दुष्काळाची पाहणी केली. तसेच भातपिकाचे ९० टक्क्यांहून अधिक नुकसान झाल्यामुळे ठाणे जिल्ह्यात दुष्काळ जाहीर करावा, अशी मागणी मुख्यमंत्री देवेंद्र फडणवीस यांच्याकडे केली आहे.(Kapil Patil Drought Demand)

 

शहापूर तालुक्यातील सारंगपुरी, कोठारे, पायरवाडी, जांभूळवाड, डोळखांब गावांना पाटील यांनी भेट दिली. त्या ठिकाणी शेतकऱ्यांच्या प्रत्यक्ष शेतात जावून भात पिकाच्या झालेल्या नुकसानीची पाहणी केली. राज्यातील इतर तालुक्यांमध्ये दुष्काळ जाहीर झाला आहे. मात्र, ठाणे जिल्ह्यात अद्यापी दुष्काळ जाहीर झालेला नाही. इतर भागाप्रमाणेच ठाणे जिल्ह्यातील शेतकऱ्यांची स्थिती बिकट आहे. पाऊस नसल्यामुळे भात पिकात फक्त तूस राहिला आहे. हळवार भाताच्या काही ठिकाणी कापणी सुरू असून, केवळ १० ते १२ टक्के पिक हाती आले आहे. अंदाजे ९० टक्के भाताचे नुकसान झाले असून, ठिकठिकाणी भातपिके पाण्याअभावी करपली आहेत. मोठ्या प्रमाणावर नुकसान झाल्यामुळे शेतकरी चिंतेत आहेत, असे पाटील यांनी सांगितले.(Kapil Patil Drought Demand)

 

या परिस्थितीकडे मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुमित्रा पवार यांचे पुन्हा लक्ष वेधले जाईल. मुख्यमंत्री देवेंद्र फडणवीस यांनी कायम शेतकऱ्यांना साथ दिली आहे. त्यामुळे त्या या दुष्काळातही शेतकऱ्यांच्या पाठीशी राहतील. ठाणे जिल्ह्यातील दुष्काळाबाबत नक्कीच सहानुभूतीने निर्णय घेतला जाईल, असा विश्वास माजी केंद्रीय राज्यमंत्री पाटील यांनी व्यक्त केला. या वेळी माजी आमदार पांडुरंग बरोरा, भाजपचे माजी तालुकाध्यक्ष भास्कर जाधव यांच्यासह भाजपचे पदाधिकारी व कार्यकर्ते उपस्थित होते.(Kapil Patil Drought Demand)