‘तुझ्या आयला’चा ट्रेलर प्रदर्शित!

 

 

 

 

मुंबई -sujay dahake Comedy दिग्दर्शक सुजय डहाके यांच्या वैशिष्ट्यपूर्ण दिग्दर्शकीय शैलीची छाप असलेला ‘तुझ्या आयला’ हा आगामी मराठी चित्रपट विषयाच्या धाडसामुळे आणि आशयाच्या वेगळेपणामुळे लक्ष वेधून घेत आहे. राष्ट्रीय पुरस्काराची मोहोर उमटलेल्या ‘शाळा’ आणि ‘श्यामची आई’ यांसारख्या आशयघन चित्रपटांमधून संवेदनशील विषयांना प्रभावीपणे पडद्यावर मांडणाऱ्या सुजय डहाके यांनी यावेळी समाजात नकळत रूजलेल्या एका गंभीर प्रश्नाला केंद्रस्थानी आणले आहे. या चित्रपटाचा ट्रेलर प्रेक्षकांच्या भेटीला आला आहे.

 

‘तुझ्या आयला’ हे शीर्षक पहिल्यांदा ऐकतानाच अनेकांच्या भुवया उंचावतात. मात्र, या शीर्षकामागे भाषेचा, संस्कारांचा आणि शब्दांच्या परिणामांचा विचार करायला लावणारी संकल्पना दडलेली आहे. ‘शिवी नाय, खेळाचं नाव हाय ते’ ही चित्रपटाची हटके टॅगलाइनही त्याच्या मध्यवर्ती विषयाकडे सूचकपणे निर्देश करते. शाब्दिक हिंसा आपल्या दैनंदिन व्यवहाराचा भाग कशी बनली आहे आणि त्याचा व्यक्तीच्या मानसिकतेवर, विशेषतः बालमनावर, कसा परिणाम होऊ शकतो, याचा वेध घेण्याचा प्रयत्न या चित्रपटातून केला जाणार आहे. दिग्दर्शक सुजय डहाके यांनी या विषयाकडे केवळ मनोरंजनाच्या दृष्टिकोनातून न पाहता त्यामागील सामाजिक आणि भावनिक पैलू उलगडण्याचा प्रयत्न केला आहे. आई ही प्रेम, माया आणि आदराचे प्रतीक मानली जाते; मात्र तिच्या नावाचा वापर अपमानास्पद भाषेत सहजपणे केला जाणे ही विसंगतीच चित्रपटाच्या विचारविश्वाचा महत्त्वाचा भाग ठरते. शब्द उच्चारताना आपण त्यांचा अर्थ, परिणाम आणि समोरच्या व्यक्तीच्या मनावर होणारा आघात यांचा किती विचार करतो, हा अस्वस्थ करणारा प्रश्न ‘तुझ्या आयला’ उपस्थित करतो. sujay dahake Comedy

 

या चित्रपटाच्या कथाविश्वात बालपण, खेळकरपणा, गावाकडचे वातावरण, निरागस आठवणी आणि त्यामागे दडलेली भाषेची कटू बाजू असे अनेक पदर एकत्र येताना दिसतात. त्यामुळे हा केवळ एका शब्दाभोवती फिरणारा चित्रपट न राहता, बालमन, संस्कार, सामाजिक व्यवहार आणि बदलती भाषिक संस्कृती यांचा वेध घेणारा अनुभव ठरण्याची शक्यता आहे. जुन्या आठवणींचा हळवा स्पर्श आणि आजच्या काळातील शाब्दिक हिंसेचा बोचरा वास्तववाद यांची सांगड या चित्रपटाला वेगळी भावनिक धार देऊ शकते.sujay dahake Comedy

 

अनुभवी कलाकार आणि बालकलाकारांची ही अनोखी सांगड कथेला भावनिक खोली देणारी ठरण्याची शक्यता आहे. एकीकडे हटके शीर्षक, तर दुसरीकडे त्यामागे दडलेला गंभीर आशय, संवेदनशील विषयाला भिडण्याचे धाडस आणि सुजय डहाके यांची प्रयोगशील दिग्दर्शकीय दृष्टी यामुळे ‘तुझ्या आयला’ हा मराठी चित्रपटसृष्टीतील लक्षवेधी प्रयोग ठरण्याची शक्यता आहे. प्रेक्षकांना केवळ मनोरंजन न देता स्वतःच्या बोलण्याच्या सवयींकडे आणि शब्दांच्या परिणामांकडे नव्याने पाहायला लावणारा हा सिनेमा विचार करायला भाग पाडेल, अशी अपेक्षा व्यक्त केली जात आहे.sujay dahake Comedy

 

पॅनोरमा स्टुडिओजच्या वतीने कुमार मंगत पाठक, अभिषेक पाठक आणि मुरलीधर छतवानी, कल्ट डिजिटलच्या वतीने सुनील जैन, आदित्य जोशी, तर प्रकाश फिल्म्सच्या वतीने राजेश सिंह यांनी चित्रपटाची निर्मिती केली आहे. सुशांत वेंगुर्लेकर, मोहित अरोरा आणि मेघना प्रमाणिक सहनिर्माते आहेत.sujay dahake Comedy

 

या चित्रपटात राजश्री देशपांडे, रोहिणी हट्टंगडी, संभाजी भगत, अभिजित थिटे, सोहम बाबर आणि अभिषेक झेंडे यांच्या प्रमुख भूमिका असून, अनेक गुणी बालकलाकारही या चित्रपटाचा भाग आहेत. ‘तुझ्या आयला’ हा चित्रपट २५ सप्टेंबर रोजी महाराष्ट्रभरातील चित्रपटगृहांमध्ये प्रदर्शित होणार आहे.sujay dahake Comedy