अमेरिकेला गुंतवणुकीसाठी महाराष्ट्रात मोठ्या संधी; महाराष्ट्राची अर्थव्यवस्था वेगाने वाढणार; मुख्यमंत्री देवेंद्र फडणवीस यांनी व्यक्त केला विश्वास

मुंबई : (US Investment In Maharashtra) महाराष्ट्रात अमेरिकेची गुंतवणूक वाढविण्यासाठी तंत्रज्ञान, शिक्षण, डेटा सेंटर, सेमीकंडक्टर आणि डीप टेक यांसारख्या क्षेत्रांमध्ये सहकार्य वाढविण्यावर भर देण्यात येणार आहे. इंडो-अमेरिकन चेंबर ऑफ कॉमर्सच्या राष्ट्रीय अधिवेशनाच्या पार्श्वभूमीवर मुख्यमंत्री देवेंद्र फडणवीस यांनी अमेरिकेचे भारतातील राजदूत संजीव गर्ग यांच्यासोबत बैठक घेतली. या बैठकीत भारत आणि अमेरिकेतील धोरणात्मक भागीदारीच्या माध्यमातून महाराष्ट्रात गुंतवणूक आणण्याबाबत चर्चा झाली.

 

या कार्यक्रमानंतर मुख्यमंत्री फडणवीस यांनी माध्यमांशी संवाद साधला. अमेरिका तंत्रज्ञान आणि नव्या उद्योगांच्या क्षेत्रात आघाडीवर आहे. त्यामुळे अमेरिकेतील कंपन्यांनी भारतासह महाराष्ट्रात गुंतवणूक करावी, यासाठी आवश्यक परिसंस्था विकसित करण्यावर बैठकीत चर्चा झाली. टेक्नॉलॉजी, युनिव्हर्सिटीज, डीप टेक, सेमीकंडक्टर आणि डेटा सेंटर या क्षेत्रांमध्ये मोठ्या संधी असल्याचे फडणवीस यांनी सांगितले.(US Investment In Maharashtra)

 

मुख्यमंत्री देवेंद्र फडणवीस यांनी मंगळवार, दि.18 ऑगस्ट रोजी मुंबई येथे भारतातील अमेरिकेचे राजदूत सर्जिओ गोर यांच्यासमवेत 'इंडो-अमेरिकन चेंबर ऑफ कॉमर्स नॅशनल कन्व्हेन्शन 2026' च्या उदघाटन सत्रात 'इंडो-अमेरिकन चेंबर ऑफ कॉमर्स'च्या माजी राष्ट्रीय व प्रादेशिक अध्यक्षांचा सत्कार केला. (US Investment In Maharashtra)

 

नॉर्थ इंडिया कौन्सिलचे माजी राष्ट्रीय अध्यक्ष डॉ. ललित भसीन, ईस्ट इंडिया कौन्सिलचे माजी राष्ट्रीय अध्यक्ष रणजीत सेन, वेस्ट इंडिया कौन्सिलचे माजी राष्ट्रीय अध्यक्ष डॉ. ललित कनोडिया, साऊथ इंडिया कौन्सिलचे माजी राष्ट्रीय अध्यक्ष पूर्णचंद्र राव सुरपनेनी यांचा सन्मान करण्यात आला.(US Investment In Maharashtra)

 

दरम्यान, पुणे मेट्रोच्या उद्घाटनासाठी पंतप्रधान नरेंद्र मोदी यांना निमंत्रण देण्यात आल्याची माहितीही फडणवीस यांनी दिली. पुणे मेट्रोचे काम जवळपास पूर्ण झाले असून, सध्या चाचण्या सुरू आहेत. चाचण्या पूर्ण झाल्यानंतर मेट्रोचा मोठा भाग प्रवाशांसाठी खुला करण्याचे नियोजन असल्याचे त्यांनी सांगितले.(US Investment In Maharashtra)

 

महाराष्ट्र एफडीएकडून अन्नभेसळ आणि अन्न सुरक्षेच्या नियमांचे उल्लंघन करणाऱ्यांविरोधात सुरू असलेल्या कारवाईचेही फडणवीस यांनी समर्थन केले. अन्नाच्या मानकांचे उल्लंघन झाल्यास नागरिकांच्या आरोग्याला आणि जीवाला धोका निर्माण होऊ शकतो. त्यामुळे अशा प्रकरणांमध्ये कठोर कारवाईची गरज असून, एफडीएची ही कारवाई पुढेही सुरू राहील, असे त्यांनी स्पष्ट केले.(US Investment In Maharashtra)

 

महाराष्ट्राची अर्थव्यवस्था जागतिक स्तरावर मोठी होत असल्याचा दावा करत फडणवीस यांनी आगामी काळातील आर्थिक वाढीबाबतही विश्वास व्यक्त केला. भारताच्या अर्थव्यवस्थेत महाराष्ट्राचे महत्त्वपूर्ण योगदान असून, सध्याचा विकासाचा वेग कायम राहिल्यास आगामी दोन वर्षांत महाराष्ट्राची अर्थव्यवस्था सिंगापूर आणि संयुक्त अरब अमिरातीच्या अर्थव्यवस्थेला मागे टाकेल, असा विश्वास त्यांनी व्यक्त केला.(US Investment In Maharashtra)