'आरे'तील विहीरीत सापडले मगरीचे नवजात पिल्लू; कोणी सोडले की...

मुंबई (विशेष प्रतिनिधी) - आरे कॉलनीतील युनिट क्रमांक ३२ परिसरातील एका विहिरीमध्ये रविवार दि. २८ जून रोजी नवजात मगरीचे पिल्लू दिसून आले (Aarey Colony) . स्थानिक रहिवाशांनी ही माहिती वन्यजीव बचाव संघटनेला दिसल्यानंतर वन विभागाच्या मदतीने मगरीच्या पिल्लाला ताब्यात घेण्यात आले आणि नैसर्गिक अधिवासात तिची सुटका करण्यात आली (Aarey Colony). मात्र, विहीर हे मगरीचे नैसर्गिक अधिवास नाही (Aarey Colony) . त्यामुळे घटना चिंताजनक आणि संशयास जागा निर्माण करणारी ठरली आहे. (Aarey Colony)

आरेमधील विहिरीत मगर पडल्याची माहिती मिळताच वाईल्डलाईफ वेल्फेअर असोसिएशचे (डब्लूडब्लूए) प्रशिक्षित बचावकर्ते घटनास्थळी पोहोचले. आवश्यक ती सर्व सुरक्षा खबरदारी घेत त्यांनी विहिरीतून मगरीच्या पिल्लाला सुरक्षित बाहेर काढले. त्यानंतर या पिल्लाला वैद्यकीय तपासणीसाठी संजय गांधी राष्ट्रीय उद्यानात नेण्यात आले. पशुवैद्यकीय अधिकारी डॉ. निखिल बांगार यांनी तपासणी केल्यानंतर हे २८ सेंटीमीटर लांबीचे मादी पिल्लू असल्याचे स्पष्ट केले. ते पूर्णपणे निरोगी असल्याचे आढळल्याने त्याला त्याच्या नैसर्गिक व सुरक्षित अधिवासात सोडण्यात आले.

आरेतील मगर रेस्क्यू घटना:

• २०१७ – युनिट क्रमांक १५ परिसरातील नाल्यातून सुमारे ७ फूट लांबीची मगर पकडून सुरक्षितस्थळी हलविण्यात आली.
• २०१९ – रॉयल पाम परिसराजवळील नाल्यात आलेल्या मगरीचे वन विभागाने रेस्क्यू केले.
• २०२० – मुसळधार पावसानंतर आरेतील जलवाहिनीत दिसलेल्या मगरीला पकडून संजय गांधी राष्ट्रीय उद्यानातील योग्य अधिवासात सोडण्यात आले.
• २०२१–२०२४ – पावसाळ्यात आरेतील विविध नाले, तलाव आणि वसाहतीलगत अनेक वेळा मगरी दिसल्याच्या घटना घडल्या. प्रत्येक वेळी वन विभाग, रेस्क्यू टीम आणि स्थानिक स्वयंसेवकांच्या मदतीने मगरींना सुरक्षितपणे पकडून योग्य अधिवासात स्थलांतरित करण्यात आले.