बॉक्स ऑफिसवर ‘हनुमान अंश’ची भुरळ !

मुंबई - (hanuman-ansh-neem-karoli-baba-)नीम करोली बाबांचे दर्शन स्टीव्ह जॉब्स, मार्क झुकरबर्ग आणि ज्युलिया रॉबर्ट्स यांसारख्या दिग्गजांनी घेतले आहे. यासोबतच भारतीय क्रिकेटपटू विराट कोहली आणि अभिनेत्री अनुष्का शर्मा यांनीही कैंची धामला भेट दिली आहे. हे बाबांशी संबंधित एक पवित्र स्थान असल्याचे सांगितले जाते!

नीम करोली बाबांचे नाव घेताच महावीर हनुमानांची आठवण मनाला स्पर्श करून जाते. अशातच, त्यांची कथा देशातील लोकांना प्रभावित केल्यानंतर आता परदेशातही पोहोचत आहे. नीम करोली बाबा हे तेच संत आहेत, ज्यांच्या आध्यात्मिक प्रभावाने स्टीव्ह जॉब्स, मार्क झुकरबर्ग आणि ज्युलिया रॉबर्ट्स यांसारख्या मोठ्या व्यक्तींनाही प्रभावित केले आहे. (hanuman ansh Neem Karoli Baba)

भारतीय चित्रपटगृहांमध्ये शानदार कामगिरी केल्यानंतर, हिंदी डिवोशनल ड्रामा चित्रपट ‘हनुमान अंश’ आता आंतरराष्ट्रीय प्रेक्षकांपर्यंत पोहोचण्यासाठी सज्ज झाला आहे. अशातच, या चित्रपटाच्या इंटरनॅशनल डिस्ट्रीब्युशनची जबाबदारी होम्बले फिल्म्सने घेतली आहे. हा चित्रपट ११ सप्टेंबर २०२६ रोजी ग्लोबल स्तरावर रिलीज होण्यासाठी सज्ज आहे. 

‘हनुमान अंश’ची कथा नीम करोली बाबांच्या जीवनावर आधारित असून, ती विशाल चतुर्वेदी यांनी लिहिली आणि दिग्दर्शित केली आहे. भक्तांकडून भगवान हनुमानांचा अवतार मानले जाणारे बाबा ‘महाराज-जी’ या नावानेही ओळखले जातात. बाबांना त्यांच्या भक्तीबरोबरच प्रेम आणि सेवेच्या शिकवणीसाठीही भक्त ओळखतात. हे जाणून तुम्हाला आश्चर्य वाटेल की, बाबांचा प्रभाव भारतापेक्षा पाश्चिमात्य देशांमध्ये अधिक पाहायला मिळाला आहे, विशेषतः १९६० आणि १९७० च्या दशकात, जेव्हा अनेक साधक त्यांच्या दर्शनासाठी भारतात आले होते. 

आंतरराष्ट्रीय स्तरावर ‘हनुमान अंश’च्या डिस्ट्रीब्युशनची घोषणा करताना, होम्बले फिल्म्सने

आता महाराज-जींचा भक्तिमय प्रवास जगभर पोहोचणार असल्याचे म्हंटले आहे. 

‘हनुमान अंश’ हा चित्रपट चित्रपटगृहांमध्ये चांगली कामगिरी करत आहे. रिपोर्टनुसार, चित्रपटाने अवघ्या १० लाखांच्या ओपनिंगनंतर चांगली गती पकडली आहे आणि पाहता पाहता बॉक्स ऑफिसवर २६व्या दिवसापर्यंत ₹६३.८२ कोटींचा आकडा आपल्या नावावर केला आहे. चित्रपटाच्या चांगल्या कथेला जबरदस्त वर्ड-ऑफ-माउथचा फायदा झाला आहे, ज्यामुळे प्रेक्षकांमध्ये हा चित्रपट पाहण्याची उत्सुकता वाढताना दिसत आहे. 

बाबांचे भक्त देशापासून परदेशापर्यंत आहेत. भक्तांमध्ये जगातील काही सर्वात प्रभावशाली व्यक्तींचाही समावेश आहे, ज्यामध्ये स्टीव्ह जॉब्स, मार्क झुकरबर्ग आणि ज्युलिया रॉबर्ट्स यांसारख्या दिग्गजांची नावे आहेत. तर भारतात भारतीय क्रिकेटपटू विराट कोहली आणि त्यांची पत्नी अभिनेत्री अनुष्का शर्मा यांनीही कैंची धाम बाबांचे आशीर्वाद घेण्यासाठी येथे भेट दिली आहे. 

१९७४ मध्ये स्टीव्ह जॉब्स महाराज-जींचा शोध घेण्यासाठी भारतात आले होते. त्यानंतर स्टीव्ह जॉब्स यांच्या सांगण्यावरून एका कठीण काळात मार्क झुकरबर्ग यांनीही कैंची धामला भेट दिली होती. याशिवाय, ज्युलिया रॉबर्ट्स यांनीही त्यांच्या आध्यात्मिक प्रवासाबद्दल मोकळेपणाने बोलताना नीम करोली बाबांच्या नावाचा आणि त्यांच्या प्रभावाचा उल्लेख केला होता. 

होम्बले फिल्म्स ‘हनुमान अंश’ची कथा केवळ ग्लोबल मार्केटमध्ये घेऊन जात नाही, तर अशा संताची कथा परदेशात पोहोचवण्याचे काम करत आहे, ज्यांचा प्रभाव देशाच्या सीमांपलीकडेही होता. म्हणावे लागेल की, हा चित्रपट प्रत्येकासाठी एक वेगळा अनुभव ठरणार आहे आणि यासोबत जगभरातील आणखी प्रेक्षक भक्त म्हणून जोडले जाणार आहेत. 

या भक्तिमय चित्रपटासोबत कैंची धामपासून जगभरातील प्रेक्षकांपर्यंत महाराज-जींची कथा आता देशापासून परदेशातील प्रेक्षकांपर्यंत पोहोचण्यासाठी सज्ज झाली आहे. हा चित्रपट ११ सप्टेंबर २०२६ रोजी जगभरात रिलीज होणार आहे. 

होम्बले फिल्म्सबद्दल बोलायचे झाल्यास, हे भारतातील सर्वात मोठ्या प्रोडक्शन हाऊसेसपैकी एक आहे. या प्रोडक्शन हाऊसने पॅन इंडिया स्तरावर केवळ KGF फ्रँचायझी, ‘कांतारा’, ‘सालार’ फ्रँचायझी आणि ‘महावतार नरसिंहा’ यांसारख्या ब्लॉकबस्टर फ्रँचायझी दिल्या नाहीत, तर आपल्या नव्या आणि अनोख्या प्रकारच्या चित्रपटांद्वारे प्रेक्षकांचे मनोरंजन करण्यासोबतच त्यांना आपल्या मुळांशीही जोडले आहे. होम्बले फिल्म्सने बॉक्स ऑफिसवरील कमाईच्या बाबतीतही आपली ताकद दाखवली आहे. 

होम्बले फिल्म्सने ‘महावतार नरसिंहा’सोबत भारतातील सर्वोत्तम अॅनिमेटेड चित्रपटांपैकी एक दिला आहे. या चित्रपटासोबत निर्मात्यांनी देशातील अॅनिमेशनच्या कक्षेला एका नव्या स्तरावर नेले आहे, तसेच आपल्या सांस्कृतिक मुळांचाही त्यात समावेश केला आहे. अशातच, प्रत्येक बदलत्या काळासोबत कंपनीने तेलुगू आणि मल्याळम सिनेमासह भारतातील अनेक फिल्म इंडस्ट्रीजमध्येही आपल्या विस्ताराचा आवाका वाढवला आहे.