श्री संत राम मारुती संस्थानच्या १०८ व्या पुण्यतिथी उत्सवाला सुरुवात; पादुकांचे मंदिरात आगमन!

कल्याण (Ram Maruti Maharaj 108th Death Anniversary) : येथील राममारुती रस्ता स्थित श्री संत राममारुती समाधी संस्थानच्या १०८ व्या पुण्यतिथी उत्सवाचा प्रारंभ शनिवारी अत्यंत भक्तिमय वातावरणात झाला. उत्सवाच्या पूर्वसंध्येला सकाळी ९:३० वाजता श्रीमंत सद्‌गुरु माऊली राममारुती महाराजांच्या पादुकांचे श्री जगदंबा मंदिर (दळवी वाडा, कल्याण) येथून संस्थानच्या समाधी मंदिरात आगमन झाले. संस्थानचे अध्यक्ष शिरीष अनंत गडकरी व विश्वस्तांच्या हस्ते पादुकांची मंदिरात स्थापना करण्यात आली.

रविवार दिनांक २७ सप्टेंबर २०२६ (भाद्रपद कृष्ण प्रतिपदा) पासून मुख्य उत्सवास सुरुवात झाली आहे. सकाळी ७:३० वाजता अध्यक्ष शिरीष गडकरी व शीतल गडकरी (ठाणे) यांच्या हस्ते समाधीवर लघुरुद्राभिषेक, पंचामृत महापूजा, पादुका स्थापना व अखंड नामस्मरणाने उत्सवाचा प्रारंभ झाला. (Ram Maruti Maharaj 108th Death Anniversary)

 

पंचदिनी श्री राम कथा: २७ सप्टेंबर ते १ ऑक्टोबर दरम्यान दररोज दुपारी ३:०० ते ६:३० या वेळेत भाषाप्रभू ह.भ.प. जगन्नाथ महाराज पाटील (सरळांबे) यांच्या 'पंचदिनी श्री रघुनाथ गाथा (श्री राम कथा)' चे आयोजन करण्यात आले आहे. (Ram Maruti Maharaj 108th Death Anniversary)