महसुलमंत्री चंद्रशेखर बावनकुळे शेतकऱ्यांच्या बांधावर

  

अमरावती (Chandrashekhar Bawankule Amravati) : मुख्यमंत्री देवेंद्र फडणवीस यांनी सर्व पालकमंत्री, मंत्री, आमदार, खासदार यांना आपापल्या भागात दुष्काळाची पाहणी करण्याच्या सूचना दिल्या आहेत. या अनुषंगाने महसुलमंत्री चंद्रशेखर बावनकुळे यांनी अमरावती जिल्ह्यातील तिवसा आणि तळेगाव-ठाकूर येथे अपुऱ्या पावसामुळे नुकसान झालेल्या पिकांची प्रत्यक्ष पाहणी केली. (Chandrashekhar Bawankule Amravati)

 

नांदेडमध्ये कृषी मंत्री दत्तात्रय भरणे यांनी दुष्काळी परिस्थितीचा आढावा घेण्यासाठी आयोजित केलेल्या बैठकीत चक्क मंत्री आणि आमदारांसाठी काजू, बदाम ठेवण्यात आल्याचा व्हिडीओ व्हायरल झाला होता. यावर बोलताना मंत्री चंद्रशेखर बावनकुळे म्हणाले की, "समोर काजू, बदाम ठेवले यात मंत्र्यांचा काय दोष? जिल्हाधिकारी कार्यालयात कुणी काजू, बदामच्या प्लेट आणून ठेवल्या असल्यास त्यात मंत्र्यांची काय चूक आहे. प्रत्येक भागाचा दौरा करून तिथली विदारक परिस्थिती कॅबिनेटमध्ये मांडणे ही आमची जबाबदारी आहे. सर्व मंत्र्यांनी आपापल्या भागांचे दौरे करून राज्याचे वास्तव सरकारसमोर मांडले पाहिजे. त्यातून निर्णय होतात. त्यामुळे मंत्री काजू, बदाम खात आहेत, असे नरेटिव्ह करणे बरोबर नाही. आमचे सरकार संवेदनशील आहे. येणाऱ्या कॅबिनेटमध्ये चर्चा करून शेतकऱ्यांना काय काय मदत देता येईल, यावर सरकार काम करेल." (chandrashekhar bawankule amravati)