मुंबईच्या झोपडपट्टी परिसरात गरोदर मातांसाठी ‘सुरक्षित मातृत्व’ कवच; आशा सेविकांच्या मदतीने विशेष आरोग्य शिबिरांचा धडाका

 

 

मुंबई (Safe Motherhood Camp) : मुंबईतील वाढती लोकसंख्या आणि पावसाळ्यानंतर पसरणार्‍या डेंग्यू, मलेरिया व चिकनगुनिया यांसारख्या जलजन्य व कीटकजन्य साथीच्या आजारांचा धोका लक्षात घेऊन बृहन्मुंबई महानगरपालिका आणि राज्य आरोग्य विभागाने एक अत्यंत कौतुकास्पद पाऊल उचलले आहे. मुंबईच्या धारावी, मानखुर्द, गोवंडी, मालवणी आणि कुर्ला यांसारख्या मोठ्या झोपडपट्टी परिसरांमध्ये गरोदर महिलांसाठी विशेष आरोग्य तपासणी मोहीम आणि शिबिरांचे आयोजन करण्यात आले आहे'.  दि. १० सप्टेंबर २०२६ पासून सुरू झालेली ही विशेष मोहीम नोव्हेंबर महिन्यापर्यंत युद्धपातळीवर राबवली जाणार आहे .

या मोहिमेत आरोग्य विभागाचा कणा असलेल्या आशा सेविका अत्यंत मोलाची भूमिका बजावत आहेत. झोपडपट्टी परिसरामध्ये अनेकदा आर्थिक परिस्थिती, अज्ञान किंवा वेळेअभावी गरोदर महिला नियमित सरकारी रुग्णालयात जाऊन तपासणी करत नाहीत. हीच अडचण दूर करण्यासाठी आशा सेविका आणि कम्युनिटी हेल्थ वॉलेंटिअर्स थेट झोपडपट्ट्यांमधील गल्ल्यांमध्ये जाऊन घरोघरी सर्व्हे करत आहेत. ज्या महिलांची अद्याप नोंदणी झालेली नाही किंवा ज्यांनी गेल्या काही महिन्यांत तपासणी केलेली नाही, अशा महिलांना शोधून त्यांना जवळच्या ’हेल्थ पोस्ट’ किंवा फिरत्या आरोग्य शिबिरांपर्यंत आणण्याची जबाबदारी आशा सेविका पार पाडत आहेत. (Safe Motherhood Camp)