सनी देओलने मुस्लिम पात्र साकारल्यामुळे 'बटवारा 1947' फ्लॉप झाला का ?

 

 

 

मुंबई - (Rajkumar Santoshi Sunny Deol)सनी देओल आणि राजकुमार संतोषी यांचा 'बटवारा १९४७' हा चित्रपट बॉक्स ऑफिसवर अपेक्षा पूर्ण करू शकला नाही. प्रेक्षक आणि समीक्षकांकडून सकारात्मक प्रतिसाद मिळूनही, हा चित्रपट बॉक्स ऑफिसवर लक्षणीय कमाई करू शकला नाही आणि तो अयशस्वी ठरला. शबाना आझमी यांनी चित्रपटाच्या अपयशासाठी 'मुस्लिम नायक' या संकल्पनेला जबाबदार धरले, मात्र दिग्दर्शक राजकुमार संतोषी यांनी हा दावा फेटाळून लावला.

 

राजकुमार संतोषी अमिताभ बच्चन यांचे उदाहरण देत म्हणाले, "अमिताभ बच्चन यांनी 'कुली'मध्ये मुस्लिम नायकाची भूमिका साकारली होती. मनमोहन देसाईंच्या अनेक चित्रपटांमध्ये मुस्लिम नायक होते. आपण अशा टप्प्यावर पोहोचलो आहोत का, जिथे आपण एकमेकांच्या समाजातील नायकांना स्वीकारू शकत नाही? आम्ही बुद्धिमान, चांगले आणि सुशिक्षित लोक आहोत. चित्रपटात काहीतरी उघडपणे चुकीचे आहे, असे ते कसे म्हणू शकतात?"  (Rajkumar Santoshi Sunny Deol)

 

संतोषी पुढे म्हणाले, "आज एक समाज म्हणून आपण खूप कमी सहिष्णू आणि सर्वसमावेशक झालो आहोत. तुम्ही चित्रपट निर्मात्याच्या हेतूकडे आणि लेखकाला काय म्हणायचे आहे याकडे लक्ष दिले पाहिजे. मी हिंदू आहे आणि मी मंदिरात जातो. माझ्या मुलाचे नाव राम आहे. मी कोणत्याही धर्माच्या विरोधात नाही. पण मला प्रत्येक धर्मातील चांगल्या गोष्टी आत्मसात करायच्या आहेत. संतांनी धर्माबद्दल जे काही सांगितले आहे ते नेहमीच समानतेबद्दल राहिले आहे. हिंदुत्व नेहमीच सर्वसमावेशकतेबद्दल राहिले आहे, एकाकीपणाबद्दल नाही."(Rajkumar Santoshi Sunny Deol)

 

'बटवारा १९४७' च्या अपयशाबद्दल शबाना आझमी म्हणाल्या होत्या "लोक सनी देओलला एक मुस्लिम नायक म्हणून स्वीकारू शकलेले नाहीत. अमिताभ बच्चन यांनीही 'कुली' आणि इतर अनेक चित्रपटांमध्ये मुस्लिम पात्रं साकारली आहेत. तेव्हा त्यांना प्रेक्षकांनी स्वीकारले होते. मग आम्ही हे सगळं कसं समजून घ्यायचं? मला समजत नाही. लोक अशी प्रतिक्रिया कशी देत ​​आहेत याचं मला आश्चर्य वाटतं. ज्यांनी चित्रपट पाहिला आहे, त्यांनाही वाटतं की सनी देओल एका पाकिस्तानीची भूमिका साकारत आहे, पण तो तसा नाही." (Rajkumar Santoshi Sunny Deol)