गणेशोत्सवात प्रवासाची चिंता मिटली! कल्याण लोकसभेत गणेशोत्सवासाठी मोफत बससेवा; डॉ. श्रीकांत शिंदेंच्या उपस्थितीत शुभारंभ

 

 

ठाणे (Ganeshotsav Free Bus Service) : गणेशोत्सवासाठी गावी जाणाऱ्या कल्याण लोकसभा मतदारसंघातील चाकरमान्यांचा प्रवास सुखकर व्हावा, यासाठी खासदार डॉ. श्रीकांत शिंदे यांच्या पुढाकाराने शिवसेना कल्याण लोकसभेच्या माध्यमातून यंदाही मोफत बससेवेचे आयोजन करण्यात आले आहे. कळवा, दिवा आणि उल्हासनगर येथे शनिवारी या बससेवेच्या तिकीट वाटपाचा शुभारंभ खासदार डॉ. श्रीकांत शिंदे यांच्या प्रमुख उपस्थितीत झाला.

 

गणेशोत्सवाच्या दोन ते तीन दिवस आधी विशेष बसगाड्या गावाकडे रवाना होणार असून सिंधुदुर्ग, रत्नागिरी, रायगड तसेच सांगली, सातारा आणि कोल्हापूर या जिल्ह्यांसाठी ही सेवा उपलब्ध आहे. दिवा, कळवा, कल्याण, डोंबिवली आणि अंबरनाथ परिसरातील हजारो चाकरमान्यांना याचा लाभ मिळणार आहे. (Ganeshotsav Free Bus Service)