ठाणे महापौर वर्षा मॅरेथॉनमध्ये धावपटूंचा जल्लोष! ३० हजार धावपटूंचा उत्स्फूर्त सहभाग; प्रविण कांबळे, रविना गायकवाड यांची बाजी

 

 

ठाणे (Thane Mayor Varsha Marathon) : ‘धाव प्रगतीची… गतिशील ठाण्याची’ या घोषवाक्यासह झालेल्या ३२व्या ठाणे महापौर वर्षा मॅरेथॉनमध्ये पुरुष खुल्या गटात कोल्हापूरचा प्रविण कांबळे, तर महिला गटात नाशिकची रविना गायकवाड यांनी बाजी मारली. तब्बल ३० हजारांहून अधिक धावपटूंनी सहभाग घेतल्याने ठाण्याच्या रस्त्यांवर पहाटे  धावण्याचा उत्साह ओसंडून वाहत होता.

 

सहा वर्षांनंतर लोकप्रतिनिधी विराजमान झाल्यानंतर होणाऱ्या या ३२ व्या ठाणे महापौर वर्षा मॅरेथॉन ला उपमुख्यमंत्री एकनाथ शिंदे आणि त्यांच्या पत्नी लता शिंदे यांच्या हस्ते मॅरेथॉनला हिरवा झेंडा दाखवण्यात आला. मॅरेथॉनचा प्रारंभ करून दिल्यानंतर शिंदे यांनी स्वतःही धावपटूंसोबत काही अंतर धावत सहभाग घेतला आणि त्यांचा उत्साह वाढवला. यावेळी परिवहन मंत्री प्रताप सरनाईक, खासदार नरेश म्हस्के, आमदार संजय केळकर आणि रवींद्र फाटक यांच्यासह महापौर शर्मिला पिंपळोलकर,उपमहापौर कृष्णा पाटील यांच्यासह प्रामुख लोकप्रतिनिधी उपस्थित होते.