मुंबई उच्च न्यायालयाचे निवृत्त न्यायाधीश ते महाराष्ट्राचे नवे लोकायुक्त: न्यायमूर्ती सुनील शुक्रे यांच्याविषयी सविस्तर जाणून घ्या.

 

 

मुंबई: (Justice Sunil Shukre) राज्याच्या प्रशासकीय पारदर्शकतेच्या दृष्टीने एक महत्त्वाचा टप्पा गाठत न्यायमूर्ती सुनील बाळकृष्ण शुक्रे यांनी मंगळवार, २५ ऑगस्ट रोजी महाराष्ट्राच्या लोकायुक्त संस्थेच्या अध्यक्षपदाची शपथ घेतली आहे. मुंबईतील राजभवन येथे आयोजित सोहळ्यात राज्यपाल जिष्णू देव वर्मा यांनी त्यांना पद आणि गोपनीयतेची शपथ दिली.

 

या सोहळ्याला राज्याचे मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा पवार, विधानसभा अध्यक्ष ॲड. राहुल नार्वेकर यांच्यासह वरिष्ठ प्रशासकीय अधिकारी उपस्थित होते.  (Justice Sunil Shukre)

📍 #मुंबई |

न्यायमूर्ती सुनील बाळकृष्ण शुक्रे यांची लोकायुक्त संस्थेचे अध्यक्ष म्हणून नुकतीच नियुक्ती करण्यात आली होती. आज मुंबईतील लोकभवन येथे त्यांचा शपथविधी सोहळा पार पडला. यावेळी राज्यपाल जिष्णू देव वर्मा यांनी त्यांना पद आणि गोपनीयतेची शपथ दिली.

यावेळी मुख्यमंत्री… pic.twitter.com/dmtJZdHOfv

— Eknath Shinde - एकनाथ शिंदे (@mieknathshinde) August 25, 2026

 कोण आहेत न्यायमूर्ती सुनील शुक्रे?

 

न्यायमूर्ती सुनील शुक्रे हे मुंबई उच्च न्यायालयाचे निवृत्त न्यायाधीश असून त्यांनी नागपूर खंडपीठासह विविध पीठांवर न्यायदान केले आहे. (Justice Sunil Shukre)

 

न्यायालयीन अनुभव: घटनात्मक, प्रशासकीय, दिवाणी आणि जनहित याचिकांशी (PIL) संबंधित अनेक संवेदनशील प्रकरणांवर त्यांनी सुनावणी केली आहे. कायद्याची सूक्ष्म जाण आणि पारदर्शक न्यायदानासाठी ते ओळखले जातात.  (Justice Sunil Shukre)

 

महाराष्ट्र राज्य मागासवर्ग आयोग: उच्च न्यायालयातून निवृत्त झाल्यानंतर त्यांनी मागासवर्ग आयोगाचे अध्यक्षपद भूषवले. त्यांच्या नेतृत्वाखाली आयोगाने मराठा समाजाच्या सामाजिक, शैक्षणिक व आर्थिक स्थितीचा सखोल अभ्यास केला. या अहवालाच्या आधारे राज्याने मराठा समाजासाठी १० टक्के आरक्षणाची तरतूद केली.  (Justice Sunil Shukre)

 

 

कार्याधिकार: सार्वजनिक पदांवरील व्यक्ती, लोकसेवक आणि सरकारी अधिकाऱ्यांविरोधातील भ्रष्टाचाराच्या आणि प्रशासकीय गैरकारभाराच्या तक्रारींची निष्पक्ष चौकशी करण्याचे अधिकार लोकायुक्त संस्थेला आहेत.  (Justice Sunil Shukre)

 

कार्यकाळ: लोकायुक्त कायद्यानुसार, अध्यक्षांचा कार्यकाळ ५ वर्षे किंवा वयाची ७० वर्षे पूर्ण होईपर्यंत असतो.  (Justice Sunil Shukre)

 

 

दीर्घ न्यायालयीन अनुभव आणि प्रशासकीय कामाची जोड लाभल्यामुळे न्यायमूर्ती शुक्रे यांच्या नेतृत्वाखाली लोकायुक्त संस्था अधिक गतिमान आणि प्रभावीपणे काम करेल, अशी अपेक्षा व्यक्त केली जात आहे.  (Justice Sunil Shukre)