‘गोंधळ’च्या स्पेशल स्क्रीनिंगला प्रेक्षकांचा महागोंधळ!

 

 मुंबई -( Gondhal )पुण्यात नुकत्याच पार पडलेल्या ‘गोंधळ’च्या स्पेशल स्क्रीनिंगला प्रेक्षकांचा उत्स्फूर्त प्रतिसाद पाहायला मिळाला. आंतरराष्ट्रीय चित्रपट समीक्षक संघटना फिप्रेस्की (दि इंटरनॅशनल फेडरेशन ऑफ फिल्म क्रिटिक्स) यांच्या वतीने या विशेष स्क्रीनिंगचे आयोजन करण्यात आले होते. ‘फर्स्ट कम, फर्स्ट सर्व्हड’ पद्धतीने प्रवेश देण्यात आलेल्या या स्क्रीनिंगसाठी महाराष्ट्राच्या विविध भागांतून प्रेक्षक पुण्यात दाखल झाले होते.

 

नगर, औरंगाबाद, कोल्हापूर, सातारा, सांगली यांसह विविध ठिकाणांहून आलेल्या प्रेक्षकांनी चित्रपट पाहाण्यासाठी मोठी गर्दी केली. थिएटरची आसनक्षमता सुमारे ३०० असताना तब्बल ६५० हून अधिक प्रेक्षक उपस्थित राहिल्याने थिएटरबाहेरही मोठी गर्दी झाली. वाढलेल्या गर्दीमुळे काही काळ गोंधळाची परिस्थिती निर्माण झाली. सुमारे ८० ते ९० प्रेक्षकांना जागेअभावी नाराज होऊन परतावे लागले. यावेळी सिक्युरिटीसोबत वादावादीही झाली. मात्र फिप्रेस्कीचे सदस्य नरेंद्र आणि त्यांच्या टीमने मध्यस्थी करत परिस्थिती शांततेत हाताळली. (Gondhal)

या सगळ्या गोंधळातही ‘गोंधळ’चे स्पेशल स्क्रीनिंग यशस्वीपणे पार पडले. विशेष म्हणजे अभिनेता जितेंद्र जोशी यांच्यासह काही कलाकारांनीही यावेळी उपस्थित राहून चित्रपटाचा आनंद घेतला. स्क्रीनिंगनंतर प्रेक्षकांकडून चित्रपटाला सकारात्मक प्रतिसाद मिळाला असून ‘गोंधळ’ पुन्हा प्रदर्शित करावा, अशी मागणीही अनेक प्रेक्षकांनी केली. (Gondhal)

 

या सगळ्या प्रकरणाबाबत चित्रपटाचे दिग्दर्शक म्हणाले, “दूरदूरहून येऊनही काही प्रेक्षकांना ‘गोंधळ’ पाहाता आला नाही, याबद्दल आम्ही मनापासून दिलगिरी व्यक्त करतो. ज्या प्रेक्षकांना चित्रपट पाहीता आला नाही, त्यांच्यासाठी पुन्हा स्क्रीनिंग आयोजित करण्याचे आम्ही आश्वासन देतो. ‘गोंधळ’च्या रिरिलीजचाही आम्ही विचार करत आहोत आणि लवकरच आम्ही प्रेक्षकांना आनंदाची बातमी देऊ.” (Gondhal)

दरम्यान, मराठीतील हा चित्रपट आता केवळ मराठीपुरता मर्यादित न राहाता तमिळ, तेलुगू, कन्नड, मल्याळम, हिंदी आणि इंग्रजी भाषांमध्येही प्रदर्शित होणार आहे. त्यामुळे ‘गोंधळ’ची ही बहुभाषिक सफर आता प्रेक्षकांसाठी आणखी खास ठरणार आहे. (Gondhal)