हिंदू मुलींना फसवण्यासाठी धर्मांधांना मिळायचे ३० हजार रुपये; दिल्लीत 'अमन' बनून १४ वर्षांच्या बालिकेचे शोषण करणाऱ्या समद कुरेशीला बेड्या; व्हिडिओ समोर आल्याने खळबळ

 

मुंबई : (Samad Qureshi Delhi POCSO Case) उत्तर प्रदेशच्या मुझफ्फरनगर येथील समद कुरेशी या तरुणाने हिंदू मुलींना जाळ्यात ओढण्यासाठी आपल्याला पैसे मिळत असल्याचा धक्कादायक दावा केला आहे. यासंबंधीत त्याचा एक व्हिडिओ सुद्धा समोर आला आहे. सध्या दिल्लीत राहणाऱ्या या समद कुरेशीने व्हिडिओमध्ये सांगितले की, हिंदू मुलींना लक्ष्य करण्यासाठी त्याला ३०,००० ते ३५,००० रुपये मिळायचे. निधी देणाऱ्यांविषयी विचारले असता, त्याने 'सोनू भाई, साबीर भाई, रेहान भाई, शोएब भाई आणि मुन्ना भाई' यांची नावे घेतली.

 

 

एका १४ वर्षांच्या पीडित मुलीने दिलेल्या निवेदनानुसार, आरोपीने सुरुवातीला इंस्टाग्रामवर 'अमन' हे बनावट नाव वापरून तिच्याशी मैत्री करण्याचा प्रयत्न केला. तिने नकार देऊन खाते ब्लॉक केल्यानंतर, त्याने दुसरे अकाऊंट बनवून पुन्हा संदेश पाठवले. तिने ते अकाऊंटही ब्लॉक केले. नकार दिल्यानंतर आरोपी तिच्या शाळेच्या प्रवेशद्वाराजवळ पोहोचला. तिला एका बांधकाम सुरू असलेल्या इमारतीत नेऊन त्याने तिच्यावर जबरदस्ती करण्याचा प्रयत्न केला. मात्र, पीडितेच्या भावाने वेळीच तिथे पोहोचून आरोपीला धमकावले आणि तिची सुटका केली. (Samad Qureshi Delhi POCSO Case)

 

 

पीडितेने तक्रार दाखल केल्यानंतर दिल्ली पोलिसांनी समद कुरेशीविरुद्ध पोक्सो तसेच भारतीय न्याय संहिता अन्वये कलम ७५, कलम ३५१ आणि कलम ७९ अंतर्गत गुन्हे दाखल केले आहेत. पोलिसांनी दिलेल्या माहितीनुसार, कुरेशीला अटक करण्यात आली असून त्याला तुरुंगात पाठवण्यात आले आहे. या प्रकरणाचा पुढील तपास सुरू असून, पोलीस या प्रकरणात आणखी काही जणांना अटक करण्याची शक्यता आहे. (Samad Qureshi Delhi POCSO Case)