महसूल विभागातील ८२ अधिकाऱ्यांना पदोन्नती; ५७ तहसीलदार उपजिल्हाधिकारीपदी

 

 

मुंबई : (Group A Officers) महसूल मंत्री चंद्रशेखर बावनकुळे यांच्या पुढाकाराने राज्यातील ५७ तहसीलदारांना उप जिल्हाधिकारी (गट-अ), तर २५ नायब तहसीलदारांना तहसीलदार (गट-अ) पदावर तदर्थ पदोन्नती देण्यात आली आहे. त्यामुळे महसूल प्रशासनातील एकूण ८२ अधिकाऱ्यांना पदोन्नतीचा लाभ मिळणार असून रिक्त पदांमुळे निर्माण झालेली प्रशासकीय अडचण कमी होऊन कामकाजाला गती मिळणार आहे.

🟧 20 - 08 - 2026 | 📍नागपूर | माध्यमांशी संवाद

आज ५७ तहसीलदारांना उपजिल्हाधिकारी ही पदोन्नती प्राप्त झाली. तसेच २५ नायब तहसीलदारांना तहसीलदार ही पदोन्नती प्राप्त झाली. मी पदोन्नती प्राप्त सर्व अधिकाऱ्यांचे मनःपूर्वक अभिनंदन करतो.@PMOIndia @CMOMaharashtra @maharevenue… pic.twitter.com/LewbhlZbwA

— Chandrashekhar Bawankule (@cbawankule) August 20, 2026

सन २०२५-२६ च्या निवडसूचीनुसार एस-१९ वेतनश्रेणीतील ५७ तहसीलदारांना एस-२० वेतनश्रेणीतील उप जिल्हाधिकारी संवर्गात पदोन्नती देण्यात आली आहे. तर पूरक निवडसूचीनुसार २५ नायब तहसीलदारांना एस-१४ वरून एस-१९ वेतनश्रेणीत तहसीलदारपदी पदोन्नती देण्यात आली आहे. (Group A Officers)

 

पदोन्नत उप जिल्हाधिकाऱ्यांची सविस्तर पदस्थापना सध्या सुरू असलेल्या मतदार याद्यांच्या विशेष सखोल पुनरीक्षण कार्यक्रमातील काम पूर्ण झाल्यानंतर महसूल विभाग वाटप नियम, २०२१ नुसार स्वतंत्र आदेशाने करण्यात येणार आहे. नायब तहसीलदारांच्या पदस्थापनांचे आदेशही स्वतंत्रपणे काढण्यात येतील. नायब तहसीलदारांच्या पदोन्नतीस महाराष्ट्र लोकसेवा आयोगाच्या अंतिम मान्यतेची अट लागू आहे. तसेच उप जिल्हाधिकारीपदी पदोन्नत अधिकाऱ्यांना पुढील पदोन्नतीपूर्वी संबंधित महसुली विभागात किमान तीन वर्षे सेवा करावी लागणार आहे. (Group A Officers)