दिग्दर्शक सुजॉय डहाके आणि पॅनोरमा स्टुडिओजची नवी भागीदारी ! Sujoy Dahake

या चित्रपटांच्या यादीत आघाडीवर आहे ‘तुझ्या आयला’. सुजय डहाके दिग्दर्शित हा भावनिकदृष्ट्या प्रभावी चित्रपट असून, पॅनोरमा स्टुडिओजचे कुमार मंगत पाठक, अभिषेक पाठक आणि मुरलीधर छतवानी; कल्ट डिजिटलचे सुनील जैन, आदित्य जोशी आणि मोहित अरोरा; तसेच प्रकाश फिल्म्सचे राजेश सिंह हे या चित्रपटाचे निर्माते आहेत. मेघना प्रमाणीकर सहनिर्मित या चित्रपटात राजश्री देशपांडे, संभाजी भगत आणि रोहिणी हट्टंगडी यांच्या प्रमुख भूमिका आहेत. ‘तुझ्या आयला’ हा चित्रपट २५ सप्टेंबर २०२६ रोजी चित्रपटगृहात प्रदर्शित होणार आहे.(Sujoy Dahake)

 

‘रक्तफळ’ हा या भागीदारीतील दुसरा चित्रपट आहे. आधुनिक तरुणाईच्या भावनिक विरोधाभासांचा वेध घेणारा हा समकालीन, युवा-केंद्रित ‘मॅड फँटसी-कॉमेडी-थ्रिलर’ आहे. उपेंद्र लिमये, अमृता खानविलकर, गौरी नलावडे, केतकी कुलकर्णी, कोटा फॅक्टरी फेम मयूर मोरे आणि प्रसिद्ध इन्फ्लुएन्सर आदित्य ठाकरे यांच्या प्रमुख भूमिका या चित्रपटात आहेत. गोव्यातील वेलनेस टुरिझम, नाइटलाइफ आणि वर्गीय महत्त्वाकांक्षा यांच्या रंगतदार, पण एकाकी करणाऱ्या पार्श्वभूमीवर ‘रक्तफळ’ची कथा आकार घेते. सुजय डहाके दिग्दर्शित या चित्रपटाचे गोव्यातील ४० दिवसांचे चित्रीकरण नुकतेच पूर्ण झाले असून, ‘रक्तफळ’ फेब्रुवारी–मार्च २०२७मध्ये प्रदर्शित होणार आहे.(Sujoy Dahake)

दोन्ही चित्रपटांचे निर्मितीचे काम पूर्ण झाले असून, पॅनोरमा स्टुडिओज, कल्ट डिजिटल आणि प्रकाश फिल्म्स यांच्यातील व्यापक धोरणात्मक सहकार्याची ही सुरुवात असल्याचे या भागीदारीतून स्पष्ट होते. राष्ट्रीय स्तरावर पोहोचण्याची क्षमता असलेल्या दर्जेदार प्रादेशिक चित्रपटांच्या निर्मितीवर या सहकार्याचा भर असेल. दोन्ही चित्रपटांच्या मार्केटिंग प्लॅन आणि प्रदर्शनाच्या रणनीतीबाबत पुढील घोषणा लवकरच करण्यात येणार आहेत.(Sujoy Dahake)