जिओ प्राइम घ्यावा की नाही ? सदस्यत्वात फायदा की ग्राहकाचाच तोटा ?

 

 

मुंबई : (Recharge) रिचार्जच्या किमती वाढण्याची चिंता असलेल्या जिओ ग्राहकांसाठी कंपनीने जिओ प्राइम सदस्यत्व पुन्हा आणले आहे. ₹३०० भरून ग्राहकांना पात्र जिओ प्लॅनची सध्याची किंमत ५ सप्टेंबर २०२७ पर्यंत लॉक करता येणार आहे. मात्र, जिओ प्राइम प्रत्येक ग्राहकासाठी फायदेशीर ठरेलच असे नाही. ग्राहक वर्षभर जिओचा रिचार्ज करणार आहे का, त्याचा प्लॅन किंमत लॉकसाठी पात्र आहे का आणि कॅशबॅक व्हाउचरचा प्रत्यक्ष वापर करता येणार आहे का, यावर या सदस्यत्वाचा खरा फायदा अवलंबून आहे.

 

 

जिओ प्राइम हा नवीन रिचार्ज प्लॅन नाही, तर एक सशुल्क सदस्यत्व कार्यक्रम आहे. ग्राहकांना यासाठी एकदाच ₹३०० भरावे लागतील. त्यानंतर पात्र जिओ प्लॅनची सध्याची किंमत एका वर्षासाठी लॉक करता येईल. भविष्यात जिओने रिचार्जच्या किमती वाढवल्या, तरी सदस्यत्वाच्या अटी लागू असतील तर प्राइम सदस्यांना जुन्या दराने रिचार्ज करता येणार आहे. (Recharge)

 

जिओ प्राइम सदस्यत्व २० ऑगस्टपासून MyJio अॅप, Jio.com, अधिकृत जिओ स्टोअर्स आणि अधिकृत पार्टनर स्टोअर्समधून घेता येणार आहे. विद्यमान प्रीपेड, पोस्टपेड तसेच नवीन जिओ ग्राहकांसाठी ही सुविधा उपलब्ध आहे. (Recharge)

 

 

जिओने आपला विद्यमान ₹२९९चा प्लॅन सुरूच राहणार असल्याचे स्पष्ट केले आहे. त्यामुळे हा प्लॅन बंद होणार अशी ग्राहकांची चिंता दूर झाली आहे. जिओ प्राइमचा मुख्य फायदा म्हणजे या पात्र प्लॅनची सध्याची किंमत भविष्यातील संभाव्य वाढीपासून सुरक्षित करता येणे. (Recharge)

 

ग्राहकाला एका प्लॅनपुरते मर्यादित राहावे लागणार नाही. प्राइम सदस्यत्व घेतल्यानंतर तो गरजेनुसार जिओच्या इतर पात्र प्लॅनवरही रिचार्ज करू शकतो. (Recharge)

 

 

समजा एखाद्या ग्राहकाचा सध्याचा रिचार्ज ₹२९९ आहे आणि तो वर्षभरात १२ वेळा रिचार्ज करतो.

 

१२ रिचार्जचा खर्च : ₹३,५८८.

 

जिओ प्राइम सदस्यत्व शुल्क : ₹३००.

 

एकूण खर्च : ₹३,८८८.

 

समजा भविष्यात ₹२९९चा प्लॅन ₹३४९ झाला, तर प्रत्येक रिचार्जमागे ₹५० अतिरिक्त द्यावे लागतील. वर्षभरात १२ रिचार्ज केल्यास हा अतिरिक्त खर्च ₹६०० होऊ शकतो. अशा परिस्थितीत ₹३००चे जिओ प्राइम सदस्यत्व घेणे ग्राहकासाठी फायदेशीर ठरू शकते. (Recharge)

 

मात्र, हे गणित तेव्हाच लागू होते जेव्हा ग्राहक वर्षभर नियमित रिचार्ज करतो आणि संबंधित प्लॅन किंमत लॉकसाठी पात्र असतो.

 

 

जिओ प्राइम घेतल्यानंतरही ग्राहकाला अपेक्षित फायदा मिळेलच असे नाही. खालील परिस्थितींमध्ये ₹३००चे सदस्यत्व शुल्क ग्राहकाच्याच खिशातून जाऊ शकते : (Recharge)

 

ग्राहक वर्षभर जिओचा नियमित वापर करत नसेल.

 

त्याचा विद्यमान प्लॅन किंमत लॉकसाठी पात्र नसेल.

 

सदस्यत्वाच्या कालावधीत रिचार्जच्या किमती वाढल्या नाहीत.

 

ग्राहकाला भविष्यात दुसऱ्या प्लॅनवर किंवा दुसऱ्या नेटवर्कवर जाण्याची गरज भासली.

 

कॅशबॅक व्हाउचर वापरण्यासाठी आवश्यक सेवा घेण्याची त्याची योजना नसेल.

 

म्हणजेच, जिओने किमती वाढवल्या नाहीत, तर केवळ किंमत लॉक करण्यासाठी भरलेले ₹३०० लगेच वसूल होतीलच असे नाही. (Recharge)

 

 

जिओ प्राइम सदस्यत्वासोबत एकूण ₹६०० किमतीचे दोन कॅशबॅक व्हाउचर मिळणार आहेत. मात्र ही रक्कम थेट बँक खात्यात जमा होणार नाही.

 

₹३००चे एक व्हाउचर नवीन JioHome किंवा JioPC कनेक्शनसाठी वापरता येईल.

 

दुसरे ₹३००चे व्हाउचर कुटुंबातील सदस्य किंवा मित्रासाठी नवीन जिओ सिम घेताना वापरता येईल.

 

ज्यांना JioHome, JioPC किंवा नवीन जिओ सिमची गरज नाही, त्यांच्यासाठी या व्हाउचरचा पूर्ण फायदा घेणे कठीण होऊ शकते. त्यामुळे कॅशबॅकची जाहिरात पाहून सदस्यत्व घेण्यापूर्वी त्याच्या वापराच्या अटी तपासणे आवश्यक आहे. (Recharge)

 

 

टेलिकॉम क्षेत्रात रिचार्जच्या किमती आणि ग्राहक टिकवून ठेवण्याची स्पर्धा सुरू असताना जिओने जिओ प्राइमची घोषणा केली आहे. एअरटेलने आपल्या प्रीपेड पोर्टफोलिओमध्ये बदल करून ₹२९९सह काही लोकप्रिय प्लॅन बंद केले आहेत. त्यामुळे २८ दिवसांच्या काही डेली-डेटा प्लॅनसाठी ₹३४९ हा सुरुवातीचा पर्याय ठरल्याचे वृत्त आहे.

या पार्श्वभूमीवर जिओचा ₹२९९चा प्लॅन सुरू ठेवण्याचा निर्णय आणि संभाव्य दरवाढीपासून संरक्षण देणारे सदस्यत्व ग्राहकांसाठी महत्त्वाचे ठरू शकते. (Recharge)