घाटकोपरमध्ये मध्यरात्री भीषण दुर्घटना; घरांवर दरड कोसळून दोन जणांचा मृत्यू, अनेक जण मलब्याखाली अडकल्याची भीती

मुंबई (Ghatkopar Landslide) : मुंबई आणि उपनगरांमध्ये गेल्या काही दिवसांपासून सुरू असलेल्या मुसळधार पावसामुळे दि. १२ ऑगस्ट रोजी पहाटे ३:४८ च्या दरम्यान का भीषण दुर्घटना घडली. घाटकोपर पश्चिम (कुर्ला परिसर सीमा) येथील चिराग नगर भागातील गौसिया चॉलवर अचानक डोंगराचा एक मोठा भाग आणि भलामोठा पाषाण कोसळला. या दुर्दैवी दुर्घटनेत २ ते ३ घरे पूर्णपणे मलब्याखाली गाडली गेली असून, आतापर्यंत दोन जणांचा मृत्यू झाला आहे. ढिगार्‍याखाली अद्याप ६ ते ८ नागरिक अडकल्याची भीती व्यक्त केली जात आहे. . स्थानिक प्रत्यक्षदर्शींनी सांगितले की, मध्यरात्री अचानक मोठा आवाज झाला, पत्रे तुटले आणि झाडे व मोठमोठे दगड थेट घरांवर येऊन कोसळले. सर्व रहिवासी गाढ झोपेत असल्याने कोणालाही सावध होण्याची संधी मिळाली नाही. स्थानिक नागरिकांनी तातडीने धाव घेत मदत सुरू केली आणि प्रशासनाला माहिती दिली. (Ghatkopar Landslide)