मुंबई महापालिकेत अधिकाऱ्यांच्या बदल्या! प्रशासकीय पातळीवर मोठे फेरबदल, अभियंत्यांकडेही दिली 'ही' महत्वाची जबाबदारी

 

मुंबई : (My BMC Official Circulars Portal) मुंबई महानगरपालिकेचा कारभार अधिक गतिमान, शिस्तबद्ध आणि लोकाभिमुख करण्यासाठी पालिका आयुक्त अश्विनी भिडे यांनी प्रशासकीय पातळीवर मोठे फेरबदल केले आहेत. विविध विभाग कार्यालयांमधील ६ सहाय्यक आयुक्तांच्या अंतर्गत बदल्या करण्यात आल्या असून, ३ अनुभवी कार्यकारी अभियंत्यांकडे सहाय्यक आयुक्त पदाचा कार्यभार सोपवण्यात आला आहे. गुरुवारी (दि.३० जुलै) प्रशासनाला अधिक कार्यक्षम बनवण्याच्या उद्देशाने हे आदेश निर्गमित करण्यात आले.  

 

​पावसाळ्यातील आपत्कालीन परिस्थिती, नागरी समस्या आणि प्रशासकीय कामांना गती देण्यासाठी विभाग स्तरावर सक्षम अधिकाऱ्यांची नियुक्ती आवश्यक होती. त्या दृष्टीने आयुक्तांनी ही प्रशासकीय पुनर्रचना करून वॉर्ड स्तरावरील कारभार अधिक मजबूत करण्यावर भर दिला आहे.  

 

​अलका ससाणे: 'बाजार व सी' विभागातून 'एम-पूर्व' विभागात बदली.

​गजानन बेल्लाळे: 'ए' विभागातून 'मालमत्ता' विभागात नियुक्ती.

​उज्ज्वल इंगोले: 'एम-पूर्व' विभागातून 'ए' विभागात बदली.

​स्वप्नजा क्षीरसागर: 'जी-दक्षिण' विभागासोबतच 'कर निर्धारक व संकलन' या पदाचा अतिरिक्त कार्यभार.

​योगिता कोल्हे: 'टी' विभागासोबतच 'अतिक्रमण निर्मूलन (पूर्व उपनगरे)' या महत्त्वाच्या पदाचा अतिरिक्त कार्यभार.

 

 

​प्रशासनातील तांत्रिक अनुभवाचा नागरी सुविधांसाठी थेट फायदा व्हावा, यासाठी तीन तंत्रकुशल कार्यकारी अभियंत्यांकडे सहाय्यक आयुक्त पदाचा कार्यभार देण्यात आला आहे:

 

​सुनील माने (कार्यकारी अभियंता): 'सी' विभागात सहाय्यक आयुक्त पदाचा पूर्णवेळ कार्यभार.

 

​वनिता कोकाटे (कार्यकारी अभियंता, पर्जन्य जलवाहिन्या): 'के-पूर्व' विभागाचा पूर्णवेळ कार्यभार.

 

​जयदीप मोरे (कार्यकारी अभियंता, घनकचरा व्यवस्थापन): 'एन' विभागात सहाय्यक आयुक्त पदाचा अतिरिक्त कार्यभार (Ashwini Bhide).

 

 

​दरम्यान, महापालिका मुख्यालयातील मालमत्ता विभागाचे सहाय्यक आयुक्त पृथ्वीराज चव्हाण यांच्या उत्कृष्ट कामगिरीची दखल घेत त्यांची हंगामी उपायुक्तपदी पदोन्नती करण्यात आली आहे. त्यांच्याकडे अत्यंत महत्त्वाच्या मानल्या जाणाऱ्या 'मध्यवर्ती खरेदी खात्याची' जबाबदारी सोपवण्यात आली आहे.