महालक्ष्मीत देशातील पहिला ट्रॅव्हलेटर पादचारी पूल अंतिम टप्प्यात

या एकात्मिक इंटरचेंजमुळे संत गाडगे महाराज चौक मोनोरेल स्थानक, मेट्रो-३ आणि महालक्ष्मी उपनगरीय रेल्वे स्थानक यांच्यात थेट जोडणी निर्माण होणार आहे. त्यामुळे विविध सार्वजनिक वाहतूक सेवांमधील बदलासाठी लागणारा वेळ सुमारे २० मिनिटांनी कमी होईल. तसेच दक्षिण मुंबई आणि वरळी परिसरातून मोनोरेलपर्यंत पोहोचणे अधिक सुलभ होणार असून, सार्वजनिक वाहतुकीच्या वापरालाही चालना मिळणार आहे. (Mahalaxmi Travelator Pedestrian Pool)

प्रकल्पाअंतर्गत सुमारे २८३ मीटर लांबीचा आणि ११ मीटर रुंद पादचारी पूल उभारण्यात येत आहे. प्रवाशांच्या सोयीसाठी एकूण १७६ मीटर लांबीचे सहा ट्रॅव्हलेटर्स, दोन प्रवासी लिफ्ट्स आणि प्रति तास सुमारे ४,५०० प्रवाशांची हाताळणी करण्याची क्षमता या पुलात उपलब्ध करून देण्यात आली आहे. (Mahalaxmi Travelator Pedestrian Pool)

दाट नागरी वस्ती आणि महत्त्वाच्या पायाभूत सुविधांच्या परिसरात हा प्रकल्प उभारण्यात आला आहे. काम सुरू करण्यापूर्वी १,८०० मिमी व्यासाची पावसाच्या पाण्याची वाहिनी सुरक्षितपणे स्थलांतरित करण्यात आली. तसेच लगतच्या जलवाहिन्या आणि सांडपाणी वाहिन्यांना कोणतीही हानी न पोहोचवता संपूर्ण बांधकाम पूर्ण करण्यात आले असून, या काळात नागरी सेवा अखंड सुरू ठेवण्यात आल्या. (Mahalaxmi Travelator Pedestrian Pool)

या प्रकल्पासाठी एकही झाड तोडण्यात आलेले नाही. वाहतूक पोलिसांच्या समन्वयाने परिसरातील वाहतूक सुरळीत ठेवण्यात आली असून, साने गुरुजी मार्गावरील वार्षिक गणेश विसर्जन मिरवणुकांनाही कोणताही अडथळा येणार नाही, याची विशेष काळजी घेण्यात आली आहे.

एमएमआरडीएच्या मते, हा प्रकल्प केवळ पादचारी पूल नसून मेट्रो, मोनोरेल आणि उपनगरीय रेल्वे यांना एकात्मिक, अखंड आणि प्रवासी-केंद्रित सार्वजनिक वाहतूक व्यवस्थेद्वारे जोडणारा महत्त्वाचा टप्पा ठरणार आहे. (Mahalaxmi Travelator Pedestrian Pool)