जंतर-मंतरवर आंदोलनाचा गदारोळ, बस्तरमध्ये यशाचा गुलाल; 'ज्ञान गुडी'च्या ४७ विद्यार्थ्यांची 'नीट'मध्ये बाजी

मुंबई : (Gyan Gudi Bastar) दिल्लीच्या जंतर-मंतर येथे सुरु असलेल्या नीट पेपरफुटीच्या आंदोलनादरम्यान छत्तीसगडमधून एक आनंदाची बातमी समोर येते आहे. बस्तर जिल्हा प्रशासनाने सुरू केलेल्या 'ज्ञान गुडी' या मोफत निवासी कोचिंग उपक्रमातील तब्बल ४७ विद्यार्थ्यांनी 'नीट' परीक्षा उत्तीर्ण केली असून, बस्तरच्या वनक्षेत्रातील विद्यार्थ्यांसाठी हे एक मोठे यश ठरले आहे. बस्तरचे जिल्हाधिकारी आकाश छिकारा यांनी विद्यार्थ्यांच्या या यशाबद्दल त्यांचे अभिनंदन केले आणि त्यांच्या या कामगिरीमुळे केवळ त्यांच्या पालकांचाच नाही तर संपूर्ण जिल्ह्याचा अभिमान वाढला असल्याचे सांगितले. (Gyan Gudi Bastar)