एसर आणि अक्षय कुमार यांची ‘एसर फॅशन लगेज’साठी भागीदारी अधिक दृढ

मुंबई : एसरने आपल्या लगेज व्यवसायासाठी बॉलीवूड अभिनेता अक्षय कुमारसोबतची
भागीदारी अधिक दृढ केली आहे. या धोरणात्मक सहयोगामुळे एसर आणि अक्षय कुमार
यांचे नाते पारंपरिक जाहिरात कराराच्या पलीकडे गेले आहे. एसरचा डिझाइन,
नावीन्य आणि कार्यक्षमतेवर असलेला भर, तसेच नियमित प्रवास करणारा अभिनेता
म्हणून अक्षय कुमारचा अनुभव आणि कार्यक्षमता, बहुउपयोगिता व आधुनिक जीवनशैलीशी
असलेली त्याची जवळीक यांचा या भागीदारीत संगम साधण्यात आला आहे.

‘एसर फॅशन’च्या लगेज श्रेणीबाबतच्या अक्षय कुमार यांच्या वैयक्तिक अनुभवातून
या सहयोगाची सुरुवात झाली. प्रवास हा त्यांच्या व्यावसायिक आणि वैयक्तिक
आयुष्याचा अविभाज्य भाग असल्याने, या उत्पादनांमध्ये लगेजबाबतच्या त्यांच्या
अपेक्षांची पूर्तता होत असल्याचे त्यांना जाणवले.

एसर इंडिया ग्रुपचे अध्यक्ष आणि व्यवस्थापकीय संचालक हरीश कोहली म्हणाले,
“अक्षयसोबतची आमची भागीदारी नेहमीच समान मूल्यांवर आधारित राहिली आहे.
कामगिरी, विश्वासार्हता, जुळवून घेण्याची क्षमता आणि सातत्याने प्रगती करत
राहण्याची वृत्ती ही त्यातील प्रमुख मूल्ये आहेत. ‘एसर फॅशन लगेज’च्या
माध्यमातून हे नाते आणखी दृढ करण्याची आम्हाला संधी मिळाली आहे. अक्षय स्वतः
मोठ्या प्रमाणावर प्रवास करतो. त्यामुळे प्रवासासाठीच्या दर्जेदार
उत्पादनाकडून नेमक्या कोणत्या अपेक्षा असतात, याची त्याला प्रत्यक्ष आणि सखोल
जाण आहे.”

Acer ची लॅगेज श्रेणी Acer चे ऑनलाइन स्टोअर, Acer ची विशेष दुकाने (exclusive
stores), Flipkart, Amazon आणि Myntra वर खरेदीसाठी उपलब्ध आहे.