'कीर्तन' चित्रपटाचे पोस्टर दिमाखदार सोहळ्यात सांस्कृतिक मंत्री आशिष शेलार आणि महसुली मंत्री चंद्रशेखर बावनकुळे यांच्या हस्ते लाँच!

 

 

 

 

 

 

 

 

 

 

 

 

 

 मुंबई - Kirtan Ashish Shelar Chandrashekhar Bawankuleकॉर्पोरेट क्षेत्रातील अतिशय उज्वल आणि स्थिर कारकीर्द केवळ आपल्या पित्याच्या इच्छेनुसार सोडून देऊन आध्यात्मिक आणि राष्ट्र उभी करणारी पिढी घडविण्यासाठी आपले मृत्युपत्र तयार करून समर्पित कीर्तनकार होण्याचा निर्णय घेणारे डॉ. चेतनानंद महाराज यांची निर्मिती असलेल्या 'किर्तन' या चित्रपटाचे पोस्टर प्रकाशन नेत्रदीपक सोहळ्यात सांस्कृतिक मंत्री आशिष शेलार आणि महसूल मंत्री चंद्रशेखर बावनकुळे यांच्या हस्ते करण्यात आले.

"|| भक्ती की बाजार | तुच सांग विठ्ठला ||" ही टॅगलाईन असलेल्या "कीर्तन" च्या पोस्टरमध्ये विठू माऊलीचे रूप आणि भक्ताची निस्सीम व निरपेक्ष भावना अत्यंत भावूक व प्रभावी रीतीने दर्शविण्यात आली आहे. हा चित्रपट केवळ भक्तीचा महिमा सांगणारा नसून, आजच्या काळातील श्रद्धा, अंधश्रद्धा, मानवी मूल्ये, समाजातील व परंपरेतील काळानुरूप बदलणारी स्थित्यंतरे, वारकरी, वारी आणि परमेश्वरावरील अढळ विश्वास यांचा एक प्रगल्भ प्रवास प्रेक्षकांसमोर उभा करणार आहे. वारकरी परंपरा आणि भक्तिभावाचा असीम व भावनाप्रधान अत्युच्च अनुभव देणारा हा चित्रपट २०२७ मध्ये प्रेक्षकांच्या भेटीस येणार असून संपुर्ण जगभरात एकाच वेळी प्रदर्शित केला जाणार आहे.Kirtan Ashish Shelar Chandrashekhar Bawankule

यावेळी बोलताना बावनकुळे म्हणाले, "जगद्गुरू संत तुकाराम महाराज, विश्वमाऊली संत ज्ञानेश्वर महाराज यांच्या जीवनकार्याच्या व मानवाच्या कल्याणासाठी दिलेल्या ज्ञानाच्या प्रेरणेतूनच डॉ. चेतनानंद महाराज पुणेकर सध्याच्या काळात आध्यात्मिक, सामाजिक, शैक्षणिक आणि सांस्कृतिक क्षेत्रात उल्लेखनीय कामगिरी करत आहेत. जे का रंजले गांजले | त्यासी म्हणावे आपुले, हा संदेश त्यांनी आपल्या आयुष्यात उतरवला आहे. त्यांच्या चित्रपटांमधून युवा पिढीला आधुनिक तंत्रज्ञानाच्या माध्यमातून मानव म्हणून उत्तम जगण्याबरेबरच आध्यात्म, इतिहास आणि लोकसेवेचा संदेश देण्याचे कार्य प्रभावीपणे केले जाईल.Kirtan Ashish Shelar Chandrashekhar Bawankule

आशिष शेलार यावेळी बोलताना म्हणाले, "बोलतो तेच करतो" असा विश्वास देणारी व्यक्तिमत्त्व सध्याच्या काळात दुर्मिळ झाली असून मात्र त्यापैकी डॉ. चेतनानंद महाराज पुणेकर हे एक व्यक्तिमत्त्व आहेत व त्यांनी आपल्या संकल्पीत जीवनकार्यातुन व कृतीतून हे दाखवून दिले आहे. सध्या स्पर्धेच्या युगात समाज माध्यमांसह विविध माध्यमांतून केवळ तणाव निर्माण होत असल्याने "कीर्तन" हा चित्रपट समाजाच्या दुःखाचे निवारण करून त्यांचे प्रबोधन करुन योग्य मार्ग दाखवण्यात महत्त्वाचे योगदान देऊ शकेल. डॉ. चेतनानंद महाराज पुणेकर यांच्या राष्ट्र उभारणीला पूरक ठरणाऱ्या अन्य विविध उपक्रमांसाठी निश्चितपणे सर्व प्रकारचे सहकार्य केले जाईल, असे ते म्हणाले.Kirtan Ashish Shelar Chandrashekhar Bawankule

यावेळी ऋषितुल्य व्यक्तिमत्त्व श्रीगुरु डॉ. नारायण महाराज जाधव बाबा, खासदार श्रीरंग बारणे, ए.ए. फिल्मस् प्रमुख व विख्यात चित्रपट वितरक अनिल थडानी, राज्य महावितरणचे मानव संसाधन संचालक राजेंद्र पवार, भारताचे माजी प्रसिद्ध क्रिकेटपटू केदार जाधव, अनेक आजी माजी विधीमंडळ सदस्य, पदाधिकारी यांच्यासह पंढरपूर, देहु, आळंदी, दगडूशेठ गणपती, जंगली महाराज संस्थान यांचे विश्वस्त व पदाधिकारी यांच्यासह आध्यात्मिक, सामजिक, औद्योगिक, राजकीय व सांस्कृतिक क्षेत्रातील अनेक मान्यवर आणि चित्रपटातील प्रमुख कलाकार संदीप पाठक, प्राजक्ता हनमघर, आर्या घारे, तेजस बर्वे, सुरेश विश्वकर्मा, बालकलाकार गोरज देखणे, गीतकार गुरु ठाकूर, संगीतकार विजय गावंडे यांच्यासह दिग्दर्शक अतुल जगदाळे आणि चित्रपटाचे प्रमुख कलाकार उपेंद्र लिमये यांच्या वतीने त्यांच्या पत्नी स्वाती लिमये यांसह हजारो संख्येने प्रेक्षक उपस्थित होते.Kirtan Ashish Shelar Chandrashekhar Bawankule

कार्यक्रमाची सुरुवात दीप प्रज्वलन आणि संत व वारकरी साहित्य पूजनाने झाली. यावेळी प्रसिद्ध गायक अवधूत गांधी यांनी काही भक्ती गीते सादर केली. कार्यक्रमाचे सूत्रसंचालन पूजा थिगळे यांनी केले तर आभार प्रदर्शन अभिनेते संदीप पाठक यांनी केले.Kirtan Ashish Shelar Chandrashekhar Bawankule