पाकिस्तानमध्ये पण 'रामायण'ची क्रेझ,कराचीच्या मंदिरात 'रामायणा'चे पोस्टर लावले !

 

मुंबई (विशेष प्रतिनिधी ) - Ramayana Yashरणबीर कपूर, यश आणि साई पल्लवी यांची प्रमुख भूमिका असलेला 'रामायण' हा २०२६ मधील सर्वाधिक प्रतीक्षित चित्रपटांपैकी एक आहे. प्रेक्षक त्याच्या प्रदर्शनाची आतुरतेने वाट पाहत आहेत. या चित्रपटाची लोकप्रियता केवळ भारतातच नव्हे, तर इतर देशांमध्येही जाणवत आहे. पाकिस्तानातही 'रामायण'बद्दल बरीच चर्चा आहे.

पाकिस्तानमधील कराची येथील हिंदू समाजात नितेश तिवारी दिग्दर्शित 'रामायण' या चित्रपटाबद्दल प्रचंड उत्साह आहे. रणबीर कपूर, साई पल्लवी आणि यश यांची भूमिका असलेल्या या चित्रपटाचे पोस्टर एका मंदिरात लावण्यात आले आहे.Ramayana Yash

सोशल मीडियावर एक व्हिडिओ व्हायरल होत आहे, ज्यामध्ये लोक चित्रपटाचे कौतुक करत आहेत आणि संपूर्ण टीमला शुभेच्छा देत आहेत. काहींनी चित्रपटाच्या यशासाठी शुभेच्छा दिल्या, तर काहींनी या चित्रपटाला ऑस्कर पुरस्कार मिळावा अशी आशाही व्यक्त केली. पाकिस्तानमधील कराची येथे राहणाऱ्या एका युट्युबरने सोशल मीडियावर एक व्हिडिओ शेअर केला आहे. त्यामध्ये, हिंदू समाजातील काही सदस्य 'रामायण' या चित्रपटाबद्दल आपला आनंद व्यक्त करताना दिसत आहेत. व्हिडिओमध्ये लोक एका मंदिरात चित्रपटाचे पोस्टर लावताना दिसत आहेत. व्हिडिओदरम्यान, त्यांनी रणबीर कपूर, साई पल्लवी आणि चित्रपटाचे दिग्दर्शक नितेश तिवारी यांना शुभेच्छा दिल्या.Ramayana Yash

काहींनी आशा व्यक्त केली की चित्रपट बॉक्स ऑफिसवर चांगली कामगिरी करेल आणि जागतिक स्तरावर गाजेल. तर काहींनी ऑस्कर जिंकण्याचीही इच्छा व्यक्त केली. पाकिस्तानमध्ये चित्रपटाला मिळालेल्या प्रचंड प्रतिसादानंतर, आता त्याच्या प्रदर्शनाबद्दल प्रश्न उपस्थित केले जात आहेत. भारत आणि पाकिस्तानमधील राजकीय आणि लष्करी तणावामुळे पाकिस्तानी चित्रपटगृहांमध्ये भारतीय चित्रपटांच्या प्रदर्शनावर अनेकदा परिणाम झाला आहे. रणबीर कपूर, यश आणि साई पल्लवी यांचा 'रामायण' हा चित्रपट पाकिस्तानात प्रदर्शित होईल की नाही, हे पाहणे उत्सुकतेचे ठरेल.Ramayana Yash