‘रामायण’चा लॉस एंजेलिसमधील अकॅडमी थिएटरमध्ये पार पडला वर्ल्ड प्रीमियर!

प्रेक्षक या चित्रपटाला ‘एक भव्य सिनेमॅटिक अनुभव’ असे संबोधत आहेत. त्यांच्या मते, हा चित्रपट यंदाच्या वर्षातील सर्वात अप्रतिम सिनेमॅटिक अनुभवांपैकी एक ठरणार असून, जागतिक स्तरावर भारतीय सिनेमाला एका नव्या उंचीवर घेऊन जाण्याची क्षमता त्याच्यात आहे.Ramayana Ranbir Kapoor

जगातील सर्वात प्रतिष्ठित महाकाव्यांपैकी एक असलेल्या रामायणाची भव्य कथा मोठ्या पडद्यावर साकारण्यात आली आहे. या चित्रपटात रणबीर कपूर भगवान श्रीराम, साई पल्लवी माता सीता, रॉकिंग स्टार यश रावण, सनी देओल हनुमान आणि रवी दुबे लक्ष्मण यांच्या भूमिकेत दिसणार आहेत.Ramayana Ranbir Kapoor

नितेश तिवारी यांच्या दिग्दर्शनाखाली तयार झालेल्या या चित्रपटाची निर्मिती नमित मल्होत्रा यांच्या प्राइम फोकस स्टुडिओजने आठ वेळा ऑस्कर पुरस्कार जिंकलेल्या डीएनईजी (DNEG) आणि यशच्या मॉन्स्टर माइंड क्रिएशन्स यांच्या सहकार्याने केली आहे.Ramayana Ranbir Kapoor

‘रामायण’ दोन भागांमध्ये प्रदर्शित होणार आहे. चित्रपटाचा पहिला भाग ५ नोव्हेंबर २०२६ रोजी जगभरातील चित्रपटगृहांमध्ये प्रदर्शित होईल, तर दुसरा भाग दिवाळी २०२७ मध्ये प्रेक्षकांच्या भेटीला येईल. हा चित्रपट भारतात हिंदी, तमिळ, तेलुगू, कन्नड आणि मल्याळम या भाषांमध्ये प्रदर्शित केला जाणार आहे.

हा चित्रपट आयमॅक्स (IMAX) फॉरमॅटमध्येही प्रदर्शित होणार आहे. भारत वगळता जगभरातील चित्रपटाच्या वितरणाची जबाबदारी सोनी पिक्चर्स सांभाळणार आहे, तर हिंदी भाषिक बाजारपेठेत धर्मा प्रॉडक्शन्स या चित्रपटाचे वितरण करणार आहेRamayana Ranbir Kapoor.