सॅमसंग गॅलेक्सी ए२७ ५जी भारतात लाँच

मुंबई : (Samsung Galaxy A27 5G) सॅमसंगने आज गॅलेक्सी ए२७ ५जी च्या लाँचची घोषणा केली आहे, जो नाविन्‍यता आणि तंत्रज्ञान प्रत्येकापर्यंत पोहोचवणारा स्‍मार्टफोन आहे. हा स्‍मार्टफोन तरुण वापरकर्त्‍यांचा विचार करून डिझाइन करण्‍यात आला आहे, जे विश्वासार्ह कार्यक्षमता, दीर्घकालीन सॉफ्टवेअर सपोर्ट, प्रबळ सुरक्षा आणि सोपा व सुटसुटीत सॉफ्टवेअर अनुभव देणाऱ्या डिवाईसच्या शोधात असतात. या स्‍मार्टफोनमध्‍ये स्टाइल, कार्यक्षमता आणि किफायतशीरपणाचे उत्तम संयोजन आहे.

 

गॅलेक्सी ए२७ ५जी मध्ये १२० हर्ट्झ रिफ्रेश रेट असलेली ६.७ इंच सुपर एएमओएलईडी स्क्रीन दिली आहे, जी आकर्षक रंगसंगती आणि स्मूथ व्हिज्युअल्ससह उत्कृष्ट टच रिस्पॉन्स देते. याच्या इन्फिनिटी-ओ डिस्प्लेमधील पंच-होल डिझाइनमुळे व्हिडिओ पाहण्याचा आणि गेमिंगचा सलग अनुभव मिळतो. तसेच, स्क्रीनच्या अधिक मजबूतीसाठी यात कॉर्निंग® गोरिला® ग्लास व्हिक्टस®+ चे संरक्षण देण्यात आले आहे.(Samsung Galaxy A27 5G)

 

गॅलेक्सी ए२७ ५जी मध्ये ऊर्जा-कार्यक्षम ४ एनएम स्नॅपड्रॅगन ६ जेन ३ प्रोसेसर देण्यात आला असून, त्याला यूएफएस ३.१ स्टोरेज आणि एलपीडीडीआरएक्स५ रॅमची जोड दिली आहे. यातील सुधारित जीपीयू स्पीडमुळे गेमिंग ग्राफिक्स अधिक स्मूथ दिसतात. ही हाय-स्पीड मेमरी जलद डेटा ट्रान्सफर आणि उत्तम बॅटरी कार्यक्षमता सुनिश्चित करते, ज्यामुळे मल्टिटास्किंग, इंटरनेट ब्राउझिंग, व्हिडिओ स्ट्रीमिंग, एआय अॅप्लिकेशन्स आणि गेम्स खेळताना जलद आणि विश्वासार्ह कार्यक्षमता मिळते.

 

गॅलेक्सी ए२७ ५जी मध्ये ओआयएस आणि ४के व्हिडिओ रेकॉर्डिंग सपोर्टसह ५० मेगापिक्सलचा मुख्य कॅमेरा, ५ मेगापिक्सलचा अल्ट्रावाईड कॅमेरा आणि ३०० डीपीआय फोटो काढू शकणारा २ मेगापिक्सलचा मॅक्रो कॅमेरा दिला आहे. तसेच, फ्रंटमध्ये उच्च दर्जाच्या व्हिडिओ कॉल्ससाठी १२ मेगापिक्सलचा एचडीआर पोर्ट्रेट कॅमेरा मिळतो. यातील एआय-सक्षम टूल्समुळे कॅमेरा अनुभव अधिक प्रगत होतो, ज्यामध्ये फोटोमधील नको असलेल्या गोष्टी हटवण्यासाठी 'ऑब्जेक्ट इरेझर', सर्वोत्तम एडिटिंग सुचवणारे 'एडिट सजेशन्स' आणि फोटोंवर आवडीची स्टाइल लागू करण्यासाठी 'माय फिल्टर' या वैशिष्ट्यांचा समावेश आहे.(Samsung Galaxy A27 5G)

 

गॅलेक्सी ए२७ ५जी मधील 'सर्च विथ गुगल' वैशिष्ट्य एकाच वेळी अनेक गोष्टी ओळखू शकते, तर मिटिंगच्या नोट्स सोप्या करण्यासाठी व्हॉईस रेकॉर्डर अॅप २२ भाषांमध्ये रिअल-टाइम व्हॉईस ट्रान्सक्रिप्शन प्रदान करते. उत्तम अनुभवासाठी यात गुगल जेमिनी आणि परप्लेक्सिटी सारखे एआय असिस्टंट गॅलेक्सी अॅप्समध्ये खोलवर समाविष्ट केले आहेत, तर बिक्सबी नैसर्गिक भाषेतील कमांड्सद्वारे फोन सेटिंग्स नियंत्रित करतो. याशिवाय, एआय-सक्षम 'लाइव्ह ट्रान्सक्रिप्शन' हे वैशिष्ट्य व्हॉईसमेल आणि फोन कॉल्स एकाच वेळी इंग्रजी, हिंदी व गुजराती भाषेत स्क्रीनवर लिखित स्वरूपात सादर करते.

 

गॅलेक्सी ए२७ ५जी (Samsung Galaxy A27 5G) मध्ये फास्ट-चार्जिंग सपोर्ट असलेली ५००० एमएएचची मोठी बॅटरी दिली आहे, जी दिवसभर चालते. सुरक्षेसाठी यात सॅमसंग नॉक्स आणि नॉक्स व्हॉल्टचे हार्डवेअर-आधारित संरक्षण आहे, ज्यामुळे वैयक्तिक डेटा आणि कागदपत्रे सुरक्षित राहतात. यात सॅमसंग वॉलेटद्वारे टॅप अँड पे, यूपीआय पेमेंट आणि डिजिटल आयडी सुरक्षितपणे स्टोअर करण्याची सुविधा मिळते. तसेच, सॅमसंग या फोनसाठी ६ अँड्रॉइड ओएस अपग्रेड्स आणि ६ वर्षांचे सिक्युरिटी अपडेट्स देणार आहे.

 

सॅमसंग गॅलेक्सी ए२७ ५जी स्मार्टफोन ३ जुलैपासून लाइट ग्रीन, लाइट पिंक आणि ब्लॅक या तीन रंगांमध्ये विक्रीसाठी उपलब्ध होईल. हा फोन तीन वेगवेगळ्या स्टोरेज पर्यायांमध्ये येतो, ज्यामध्ये ६ जीबी रॅम + १२८ जीबी व्हेरियंटची नेट इफेक्टिव्ह प्राईस २८,९९९ रुपये आहे, ८ जीबी रॅम + १२८ जीबी व्हेरियंटची किंमत ३१,९९९ रुपये आहे, आणि ८ जीबी रॅम + २५६ जीबी या टॉप व्हेरियंटची किंमत ३७,४९९ रुपये निश्चित करण्यात आली आहे. ग्राहक हा फोन सॅमसंग एक्सक्लुझिव्ह आउटलेट्स, पार्टनर स्टोअर्स, सॅमसंगडॉटकॉम आणि इतर ऑनलाइन प्लॅटफॉर्मवरून खरेदी करू शकतात. या स्मार्टफोनच्या सर्व मॉडेल्सवर बँक कार्ड किंवा यूपीआयद्वारे पेमेंट केल्यास ३,००० रुपयांचा इन्स्टंट कॅशबॅक मिळेल. याशिवाय, निवडक नॉन-बँकिंग फायनान्शियल कंपन्यांद्वारे १५ महिन्यांपर्यंतच्या झिरो डाउन पेमेंट ईएमआयचा किंवा ८ महिन्यांच्या डाउन पेमेंटसह २४ महिन्यांच्या ईएमआय योजनेचा लाभ घेता येईल.(Samsung Galaxy A27 5G)