जगन्नाथ पुरीचे चारही दरवाजे उघडले; ओडिशात सरकार स्थापन होताच पहिला निर्णय मंदिर विकासाचा

 

 

भुवनेश्वर : ओडिशात दणदणीत विजय मिळवून पहिल्यांदाच सत्तेवर आलेल्या भारतीय जनता पक्षाच्या सरकारने पहिल्या दिवसापासूनच जनतेला दिलेली आश्वासने पूर्ण करण्यास सुरुवात केली आहे. बुधवार, दि. १२ जून २०२४ राज्याचे मुख्यमंत्री म्हणून शपथ घेतल्यानंतर, मोहन शरण माझी यांनी आज जगन्नाथ पुरीचे चारही दरवाजे उघडण्याची घोषणा केली आहे.

 

मिळालेल्या माहितीनुसार, भाजप सरकारने मंत्रिमंडळाच्या पहिल्या बैठकीत हा निर्णय घेतला आहे. मोहन माझी यांनी ओडिशाच्या मुख्यमंत्रीपदाची शपथ घेतल्यानंतर दि. १२ जून २०२४ रोजी संध्याकाळी ही बैठक झाली. याच बैठकीत मंदिराचे चारही दरवाजे उघडण्याचा प्रस्ताव ठेवण्यात आला होता. मंत्रिमंडळाने हा प्रस्ताव मंजूर करून आता जगन्नाथ पुरीचे चारही दरवाजे उघडण्यात आले आहेत.

 

 

मुख्यमंत्री मोहन माझी यांनी जगन्नाथ मंदिराचे सर्व दरवाजे उघडण्याच्या निर्णयाची माहिती सोशल मीडिया प्लॅटफॉर्म एक्सवर दिली आहे. माझी यांनी लिहिले आहे की, पुरी मंदिराच्या चार दरवाज्यांवर चप्पल आणि मोबाईल स्टँड बनवले जातील. व्यवस्थापन समितीच्या तातडीच्या बैठकीत मंदिराबाबत हा निर्णय घेण्यात आल्याचे मुख्यमंत्र्यांनी म्हटले आहे. पोलिस विभागाला नियमित देखरेखीसाठी व्यवस्था करण्याच्या सूचना देण्यात आल्या आहेत. यासोबतच पिण्याच्या पाण्याचीही व्यवस्था करण्यात येणार आहे.

 

सकाळी ६.३० वाजता मंदिरात या निर्णयाची अंमलबजावणी करण्यात आल्याचे मुख्यमंत्री मोहन माझी यांनी सांगितले. मंदिराच्या विकासासह अन्य कामांसाठी निधी उपलब्ध करून देण्याचा प्रस्ताव मंत्रिमंडळात ठेवण्यात आल्याचेही मुख्यमंत्र्यांनी सांगितले. पुढील अर्थसंकल्पात मंदिराच्या विकासासाठी ५०० कोटी रुपयांचा निधी दिला जाणार, असल्याची माहिती त्यांनी दिली.

  

 हे वाचलंत का? - "तुम्ही इथून निघून जा, नाहीतर..."; राज्याच्या राजधानीतच कट्टरपंथीयांची हिंदू रहिवाशांना धमकी

 

निवडणुकीदरम्यान भाजपने जगन्नाथ मंदिर चार तारखेपर्यंत खुले करण्याचे आश्वासन जनतेला दिले होते, जे सरकार स्थापन होताच पूर्ण झाले आहे. बीजेडी सरकारने कोरोनापासून हे गेट बंद ठेवले होते. नंतर वेगवेगळी सबब सांगून तो पुढे ढकलत राहिला. मात्र, भाजप सरकारने पहिल्याच सभेत ते ऐकून हिंदू धर्मियांना आनंदाची बातमी दिली.