NEET paper leak 2026: देशव्यापी नीट पेपरफुटीचं केंद्र पुणे, १० पैकी ३ सूत्रधार आरोपींचं पुणे कनेक्शन समोर

 

 

पुण्यातील ब्युटिशियन आणि शैक्षणिक सल्लागार म्हणवून घेणाऱ्या मनीषा वाघमारे हिची भूमिका या प्रकरणात महत्त्वाची मानण्यात येते आहे. शिक्षण क्षेत्रात असलेल्या संपर्काच्या आधारावर मनीषा वाघमारेनं श्रीमंत असलेल्या नीटच्या विद्यार्थ्यांना लक्ष्य केलं. प्राध्यापिका मनीषा मांढरे या नीट प्रश्नपत्रिका तयार करण्याच्या प्रक्रियेशी संबंधित असल्याची माहिती मिळाल्यानंतर मनीषा वाघमारे हिनं मांढरे यांच्याशी संपर्क साधला आणि त्यांच्या संपर्कातून पेपरफुटी घडवून आणली. प्रश्नपत्रिका आधी देण्यासाठी प्रत्येक विद्यार्थ्याकडून सुमारे १० लाख रुपये घेण्यात आले. हे पैसे आरोपींमध्य़े वाटून घेण्यात येणार होते. (NEET paper leak 2026)

 

 

जीवशास्त्र विषयाची प्रश्नपत्रिका मनीषा मांढरे यांच्या माध्यमातून मिळवण्यात आली. वनस्पतीशास्त्र आणि जीवशास्त्रासाठी मांढरे या तज्ज्ञ म्हणून कार्यरत होत्या. परीक्षेपूर्वी अंतिम प्रश्नपत्रिकेपर्यंत त्यांनाच प्रवेश होता. (NEET paper leak 2026)

या कटात मांढरे यांनी निवृत्त प्राध्यापक पी व्ही कुलकर्णी यांनाही सहभागी करुन घेतले. नाशिकच्या शुभम खैरनार याने कोचिंग आणि कौन्सिलिंगच्या माध्यमातून फोडलेल्या प्रश्नपत्रिका देशभरात नेण्याचं काम केलं. (NEET paper leak 2026)

फोडण्यात आलेल्या प्रश्नपत्रिका व्हॉट्सअप, मेसेजमधून तसंच पीडीएफ फाईल्सच्या माध्यमातून विविध राज्यातील कोचिंग क्लासेसपर्यंत पोहचले. (NEET paper leak 2026)

 

लीक झालेली पीडीएफ गुरुग्राममधील आरोपी यश यादवपर्यंत पोहोचली, त्यानंतर ती जयपूरपर्यंत पोहचली. राजस्थानमधील काही शिक्षकांना हा गेस पेपर आणि प्रत्यक्ष नीटपरीक्षेतील प्रश्न तंतोतंत जुळत असल्याचं लक्षात आल्यानंतर हा प्रकार समोर आला. (NEET paper leak 2026)