Digital Aadhaar: mAadhaar बंद होणार; UIDAI कडून नवीन ‘Aadhaar’ ॲप लॉन्च! QR शेअरिंग, फेस ऑथेंटिकेशनसह स्मार्ट फीचर्स...
_202605171538160293_H@@IGHT_350_W@@IDTH_696.jpg "Digital Aadhaar")
मुंबई: (Digital Aadhaar) भारतीय विशिष्ट ओळख प्राधिकरणाने (UIDAI) शुक्रवारी 15 मे रोजी जाहीर केलेल्या महितीनुसार, सध्याचे mAadhaar मोबाइल ॲप काही काळात बंद करण्यात येणार आहे. प्राधिकरणाने वापरकर्त्यांना नव्याने लॉन्च झालेल्या “आधार (Aadhaar)” ॲपवर स्थलांतरित होण्यासाठी सूचना दिल्या असून, आयफोनसाठी ॲप स्टोअर आणि अँड्रॉइडसाठी गूगल प्ले स्टोअरवर हा ॲप उपलब्ध आहे. (Digital Aadhaar)
नवीन आधार ॲपचा उद्देश नागरिकांना त्यांची आधार माहिती सुरक्षितपणे साठवणे, अद्ययावत करणे आणि इच्छित वेळी निवडक माहिती शेअर करण्यासाठी मदत करणे असा असून, यात QR‑आधारित आधार शेअरिंग, चेहरा ओळख (Face authentication), बायोमेट्रिक लॉक कंट्रोल्स आणि निवडक माहिती शेअर (Selective Share) यांसारखी कार्यक्षम वैशिष्ट्ये आहेत. UIDAI ने एक्स वरील अधिकृत पोस्टमध्ये mAadhaar बंद होणार असल्याची पुष्टी केली आहे आणि नवीन आधार ॲपला “अधिक स्मार्ट, जलद आणि अधिक सुरक्षित डिजिटल प्रवास” म्हणून सादर केले आहे. (Digital Aadhaar)
हे आधार ॲप १३ भारतीय भाषांना समर्थन देऊन देशव्यापी नागरिकांसाठी वापर सुलभ करते. नवीन आधार ॲपचे सर्वात वेगळे वैशिष्ट्य म्हणजे QR‑आधारित ओळख पडताळणी आणि सिलेक्टिव्ह शेअर. या वैशिष्ट्यामुळे यूझर्स आपला आधार क्रमांक उघड न करता फक्त नाव, वय, लिंग, फोटो, मोबाइल नंबर, पत्ता आणि आधार स्थिती इत्यादी निवडक माहिती शेअर करू शकतात. तसेच हा ॲप QR कोड तयार करतो, जो अधिकृत टर्मिनलवर स्कॅन करून डिजिटल माध्यमाद्वारे ओळख पडताळली जाते. (Digital Aadhaar)
याशिवाय, प्रोफाइल विभागात जाऊन यूझर्स आपल्या अकाउंटमध्ये त्यांच्या कुटुंबातील पाच सदस्यांची माहिती जोडू शकतात. तसेच, आधार‑संबंधित मोबाइल नंबर आणि पत्ता अद्ययावत करण्यासाठी ॲपचे स्वतःचे इंटरफेस आहे. बायोमेट्रिक लॉकिंग कंट्रोलमुळे फिंगरप्रिंट, आयरिस आणि फेस डेटासह ॲपवरील ई‑आधार सुरक्षित होतो. हे लॉक आवश्यक तेव्हा ॲपमध्येच काढता येतात. UIDAI ने म्हटले आहे की, जर जोडलेला मोबाइल नंबर किंवा स्मार्टफोन हरवला तर यूझरला तात्पुरते आधार सेवेपासून बाहेर ठेवले जाऊ शकते. (Digital Aadhaar)
दरम्यान, जुन्या mAadhaar डेटा नवीन आधार ॲपमध्ये आपोआप हस्तांतरित होईल की नाही, हे UIDAI ने अद्याप स्पष्ट केलेले नाही. त्यामुळे विद्यमान वापरकर्त्यांना नवीन ॲप इंस्टॉल केल्यानंतर प्रोफाइल मॅन्युअली सेट करावी लागेल. (Digital Aadhaar)
The #mAadhaar App is retiring soon. Now experience a smarter, faster, and more secure digital journey with the new #AadhaarApp. From secure QR-based #Aadhaar sharing to enhanced privacy controls and seamless access to Aadhaar services — the new app is designed to make your… pic.twitter.com/snfeUx4Rgr
— Aadhaar (@UIDAI) May 15, 2026
नवीन आधार ॲप डाउनलोड आणि नोंदणीचा प्रक्रिया: (Digital Aadhaar)
नवीन आधार ॲप अँड्रॉइडसाठी गूगल प्ले स्टोअरवर आणि आयओएससाठी ॲप स्टोअरवर उपलब्ध आहे.
आधार ॲप उघडा आणि तुमची भाषा निवडा.
तुमच्या आधार-संलग्न मोबाईल नंबर किंवा इतर कोणत्याही नंबरचा वापर करून ॲपसाठी नोंदणी करा. इतर नंबरसाठी अतिरिक्त ऑथेंटिकेशन आवश्यक असेल.
तुमचा 12 अंकी आधार क्रमांक प्रविष्ट करा आणि ओटीपीद्वारे एसएमएस पडताळणी पूर्ण करा.
पुढे तुम्हाला चेहरा ओळख पटवण्यास सांगितले जाईल. अशातच पुरेसा उजेड आणि तुम्ही चष्मा घालत असाल तर तो काढून टाका.
आता ॲप वापरण्यासाठी सहा अंकी पासवर्ड सेट करा.
आता तुम्हाला ॲपच्या होम पेजवर नेले जाईल, जिथे तुम्ही तुमचे आधार कार्ड पाहू शकता, ते इतरांसोबत शेअर करू शकता आणि बायोमेट्रिक लॉक सेट करू शकता.
