Narendra Modi Sikkim Visit : तरुणांसोबत मैदानात उतरले पंतप्रधान मोदी; गंगटोकमध्ये फुटबॉल खेळतानाचा खास क्षण चर्चेत

पंतप्रधानांनी या क्षणाचे फोटो X वर शेअर करत लिहिले, “गंगटोकच्या सुंदर सकाळी माझ्या तरुण मित्रांसोबत फुटबॉल खेळण्यासारखे दुसरे काही नाही!” दुसऱ्या पोस्टमध्ये त्यांनी या सत्राला “उत्साहवर्धक फुटबॉल सराव” असे संबोधले.(Narendra Modi Sikkim Visit)

हा प्रसंग त्यांच्या अधिकृत कार्यक्रमांच्या पार्श्वभूमीवर घडला. सिक्कीमच्या राज्य स्थापनेला ५० वर्षे पूर्ण झाल्याच्या निमित्ताने आयोजित समारोप सोहळ्यात ते सहभागी होणार आहेत. यावेळी ४,००० कोटी रुपयांहून अधिक किमतीच्या विकास प्रकल्पांचे उद्घाटनही त्यांच्या हस्ते होणार आहे.(Narendra Modi Sikkim Visit)

दौऱ्यादरम्यान पंतप्रधान स्वर्णजयंती मैत्री मांजरी पार्क ऑर्किडेरियम येथे भेट देणार असून, हे केंद्र जागतिक दर्जाचे ऑर्किड अनुभव केंद्र म्हणून विकसित करण्यात आले आहे. त्यानंतर ते पालजोर स्टेडियम येथे होणाऱ्या राज्य स्थापना सोहळ्यात सहभागी होऊन जनतेला संबोधित करण्याची शक्यता आहे.(Narendra Modi Sikkim Visit)

या दौऱ्याच्या पार्श्वभूमीवर गंगटोक आणि आसपासच्या भागात कडक सुरक्षा व्यवस्था तैनात करण्यात आली आहे. सोमवारी राज्यात दाखल झाल्यानंतर मोदींनी शहरात रोड शोदेखील केला होता. विशेष म्हणजे, गेल्या वर्षी खराब हवामानामुळे ते या सोहळ्यास उपस्थित राहू शकले नव्हते, मात्र त्यांनी दिलेले आश्वासन यंदा पूर्ण केले आहे.(Narendra Modi Sikkim Visit)

पायाभूत सुविधा, कनेक्टिव्हिटी, आरोग्य, शिक्षण, ऊर्जा, पर्यावरण, पर्यटन आणि कृषी या क्षेत्रांना चालना देणारे प्रकल्प या भेटीतून सुरू होणार असल्याने, हा दौरा केवळ प्रतीकात्मक नाही तर विकासाच्या दृष्टीनेही महत्त्वपूर्ण ठरत आहे.(Narendra Modi Sikkim Visit)