Fuel Crisis: मध्यपूर्वेतील युद्धाचा एलपीजीनंतर आता पाईपलाइनद्वारे घरात येणाऱ्या गॅस पुरवठ्यावरही परिणाम होईल का?

 

मुंबई: (Fuel Crisis) इराण - इस्त्राइल आणि अमेरिकामध्ये सुरू असलेल्या संघर्षाचा परिणाम आता भारताच्या ऊर्जा क्षेत्रावर स्पष्टपणे दिसू लागला आहे. आधीच एलपीजी पुरवठ्यावर दबाव निर्माण झाला असताना, आता देशातील झपाट्याने वाढणाऱ्या पीएनजी (पाइप्ड नॅचरल गॅस) नेटवर्कवरही परिणाम होण्याची शक्यता व्यक्त केली जात आहे. (Fuel Crisis)

 

भारतामध्ये नैसर्गिक गॅसची मागणी वेगाने वाढत आहे. खतनिर्मिती कारखाने, उद्योग, वीज निर्मिती प्रकल्प यांसह शहरी भागातील घरांपर्यंत पोहोचणाऱ्या पीएनजी आणि वाहनांसाठी वापरल्या जाणाऱ्या सीएनजीमुळे गॅसचा वापर मोठ्या प्रमाणात वाढला आहे. विशेषतः शहरी भागात पीएनजी कनेक्शनचा विस्तार झपाट्याने होत असून, देशात १.५ कोटींहून अधिक घरांपर्यंत पाइपलाइन गॅस पोहोचला आहे. केंद्र सरकारही नागरिकांना सिलिंडरऐवजी पाइपलाइन गॅस वापरण्यास प्रोत्साहन देत आहे. (Fuel Crisis)

 

मात्र, इराणमधील तणावामुळे होर्मुजच्या सामुद्रधुनीतून होणाऱ्या गॅस आणि एलपीजी वाहतुकीवर अडथळे निर्माण होत आहेत. यामुळे आयातीत गॅस पुरवठ्यावर परिणाम होण्याची भीती व्यक्त केली जात आहे. भारताला मिळणारा पीएनजी गॅस हा देशांतर्गत उत्पादन आणि आयात केलेल्या एलएनजी (लिक्विफाइड नॅचरल गॅस) यांचे मिश्रण आहे. ओएनजीसी आणि रिलायन्स इंडस्ट्रीज यांसारख्या कंपन्यांकडून देशांतर्गत गॅस पुरवला जातो, तर उर्वरित गॅस आयात केला जातो. (Fuel Crisis)

 

 

हरियाणा सिटी गॅस डिस्ट्रिब्यूशन लिमिटेडचे व्यवस्थापकीय संचालक राहुल चोप्रा यांनी माध्यमांना दिलेल्या माहितीनुसार, घरगुती आणि वाहनांसाठी गॅस पुरवठ्यावर सध्या मोठा परिणाम होण्याची शक्यता नाही. कारण सरकारने या दोन्ही क्षेत्रांना प्राधान्य दिले आहे. शिवाय, औद्योगिक आणि व्यावसायिक ग्राहकांना आधीच फटका बसू लागला आहे. काही कंपन्यांना सुमारे २० टक्के गॅस पुरवठा कपात सहन करावी लागत आहे, कारण उपलब्ध गॅस घरगुती आणि वाहन वापरासाठी वळवला जात आहे. (Fuel Crisis)

 

सीएनजीची वाढती मागणीही लक्षात घेण्यासारखी आहे. भारतात सीएनजी आता पेट्रोलनंतर दुसरे सर्वात मोठे वाहन इंधन बनले आहे. त्यामुळे ऊर्जा व्यवस्थापन अधिक आव्हानात्मक बनले आहे. एकूणच, मध्यपूर्वेतील संघर्षाचा परिणाम केवळ एलपीजीपुरता मर्यादित न राहता, भारताच्या संपूर्ण गॅस पुरवठा साखळीवर होण्याची शक्यता असल्याने पुढील काही दिवस महत्त्वाचे ठरणार आहेत. (Fuel Crisis)