Mumbai-Pune Expressway: मुंबई–पुणे द्रुतगती महामार्गावर २० तासांपासून भीषण वाहतूक कोंडी; २५ किमीपर्यंत वाहनांच्या रांगा
04-Feb-2026
Total Views |
मुंबई–पुणे (Mumbai-Pune Expressway) या दोन महानगरांना जोडणाऱ्या राज्यातील सर्वाधिक वर्दळीच्या मुंबई–पुणे द्रुतगती महामार्गावर मंगळवार, ३ फेब्रुवारी संध्याकाळपासून भीषण वाहतूक कोंडी निर्माण झाली आहे. महामार्गावर तब्बल २५ किलोमीटरपर्यंत वाहनांच्या रांगा लागल्या असून वाहने कासवगतीने पुढे सरकत आहेत. विशेषतः लोणावळा घाट परिसरात परिस्थिती अधिक गंभीर असून हजारो प्रवासी तासन्तास अडकून पडले आहेत. (Mumbai-Pune Expressway)
ही वाहतूक कोंडी ३ फेब्रुवारी रोजी आडोशी बोगद्याजवळ झालेल्या गंभीर अपघातामुळे निर्माण झाली. ज्वलनशील प्रोपलेन गॅस वाहतूक करणारा एक टँकर पलटी झाला. अपघातानंतर टँकरमधून गॅस गळती सुरू झाल्याने सुरक्षिततेच्या कारणास्तव मुंबईकडे जाणारी वाहतूक पूर्णतः थांबवण्यात आली. या निर्णयामुळे महामार्गावर वाहनांची मोठी गर्दी झाली. (Mumbai-Pune Expressway)
मध्यरात्रीनंतर वाहतूक एका लेनवरून सुरू करण्यात आली असली, तरी तोपर्यंत झालेल्या विलंबामुळे कोंडी सुटू शकलेली नाही. मुंबईहून पुण्याकडे जाणाऱ्या एक्सप्रेस वेवर तसेच जुन्या मुंबई–पुणे महामार्गावरही वाहनांच्या लांबच लांब रांगा पाहायला मिळत आहेत. खालापूर टोल नाक्यापासून ते लोणावळा आणि खोपोलीपर्यंत कोंडी पसरली आहे. (Mumbai-Pune Expressway)
वाहतूक पोलिसांनी जड वाहनांना कळंबोलीपासून पुढे न जाण्याच्या सूचना दिल्या असून कोंडी दूर करण्यासाठी युद्धपातळीवर प्रयत्न सुरू आहेत. मात्र, परिस्थिती नियंत्रणात येण्यासाठी अजून वेळ लागणार असल्याचे संकेत देण्यात येत आहेत. वाहतूक विभागाकडून ४ फेब्रुवारी संध्याकाळपर्यंतही अशीच स्थिती राहण्याची शक्यता वर्तवण्यात आली आहे. (Mumbai-Pune Expressway)
दरम्यान, दुपारी दोन वाजेपर्यंतही महामार्गावर वाहनांच्या रांगा कायम असल्याने अनेक प्रवासी संतप्त झाले. काही ठिकाणी लोक कारमधून बाहेर उतरून आपली नाराजी व्यक्त करताना दिसले. या कोंडीमुळे प्रवाशांची महत्त्वाची कामे खोळंबली असून मुंबई–पुणे प्रवास हा सध्या मोठा त्रासदायक ठरत आहे. (Mumbai-Pune Expressway)
Mumbai-Pune Expressway has been made a hell-hole thanks to heavy traffic. There is no system of help in case of a breakdown. A great road has been systematically turned into a disaster zone.
— Smita Deshmukh🇮🇳 (@smitadeshmukh) February 4, 2026
Take Vande Bharat 🙏 pic.twitter.com/S1Jo0XlEGj
मुंबई तरुण भारत वेब टीम
Hello, You must be familiar with the Nation First approach daily 'Mumbai Tarun Bharat' as a newspaper committed to fearless and nationalist ideals and constantly doing conscious journalism for it. The journey of four decades has been successful only because of your trust and cooperation. Dear readers, we have been making a successful effort to always be perfect in our commitment to the thoughts of the nation and the national interest...
Changing with time is essential for any organization. Daily 'Mumbai Tarun Bharat' has decided to take this role here too and make 'MahaMTB' available in the media for the new 'smart' generation. Today's youth, readers, and citizens are becoming more and more 'smart' day by day. And in today's 'smart' era, information is available in abundance in the Internet-enabled information explosion. However, there is a need for complementary knowledge to determine a modern role and approach that is compatible with culture, motionlessness and tradition.
That is why mahamtb.com, MahaMTB Mobile App', MahaMTB Youtube Channel, MahaMTB Facebook Page, MahaMTB Twitter, MahaMTB Instagram, MahaMTB Telegram, MahaMTB WhatsApp Group etc. through social media and advanced avatar content. We are coming before you. Role in the new era, 'smart' journalism with a view, 'smart' multimedia for the new era, and journalism for a 'smart' Maharashtra will be the side of the game.
Now get all the updates in one click! mahamtb.com