महापालिका आरक्षण सोडत LIVE Update: मुंबई महापालिकेत कोणत्या प्रवर्गाचा महापौरपद बसणार?
22 Jan 2026 12:37:59
मुंबई : (BMC) मुंबई महानगरपालिकेतील महापौरपदाच्या आरक्षणाबाबत महत्त्वाचा निर्णय जाहीर करण्यात आला असून, यंदाचे महापौरपद खुल्या म्हणजेच सर्वसाधारण प्रवर्गासाठी राखीव ठेवण्यात आले आहे. आरक्षण सोडतीची प्रक्रिया पूर्ण झाल्यानंतर ही घोषणा करण्यात आली, ज्यामुळे मुंबईच्या राजकारणात नव्या घडामोडींना वेग आला आहे. (BMC)
हेही वाचा : KDMC: कल्याण–डोंबिवली महापौरपद अनुसूचित जमातीसाठी आरक्षित
महापालिका निवडणुकांचे निकाल नुकतेच जाहीर झाले असून, आता सत्तास्थापनेच्या हालचालींना वेग आला आहे. अशा पार्श्वभूमीवर महापौरपद खुल्या प्रवर्गासाठी आरक्षित झाल्याने सर्वच प्रमुख पक्षांना महापौरपदासाठी उमेदवार देण्याची संधी उपलब्ध झाली आहे. त्यामुळे भाजप, शिवसेना शिंदे गट, शिवसेना (उद्धव बाळासाहेब ठाकरे), काँग्रेस आणि मनसे यांच्यात राजकीय हालचाली अधिक तीव्र झाल्या आहेत. (BMC)
खुल्या वर्गासाठी आरक्षण असल्याने जातीय किंवा प्रवर्गीय अटी लागू नसून, राजकीय ताकद, संख्याबळ आणि युती–आघाडी यांवर महापौरपदाची गणिते ठरणार आहेत. (BMC)